Motibo pagrapido sa balay politika?

Hulagway iya sa Sultan Kudarat Municipal Police Station
Hulagway iya sa Sultan Kudarat Municipal Police Station

POLITIKO ang gilantaw sa kapulisan nga motibo sa pagrapido sa balay sa barangay kapitan sa Sultan Kudarat, Maguindanao del Norte alas 9:25 sa gabii niadtong Huwebes, Marso 16, 2023.

Apan maayo na lang nga way nasamdan sa maong hitabo apan di matukib ang gibating kahadlok sa kapitan ug pamilya niini.

Gibutyag ni Maguindanao Police Provincial Office Director Colonel Roel Sermese nga duha ka wa mailhing lalaki ang nirapido sa balay ni Kapitan Guiaber Dalinding sa Barangay Simuay nga daplin lang sa national highway sa nahisgutang lungsod.

Mga suspek maoy target karon sa pagpangita sa kapulisan human nga misibat sakay sa motorsiklo paingon sa direksiyon sa Cotabato City.

Nagtuo si Dalinding nga politika ang motibo sa pagrapido sa iyang balay.

Kahinumdoman nga gilabay na sab og granada ang balay sa kapitan niadtong miaging tuig.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph