PATAY ang tulo ka mga suspetsado sa managlahing aksidente nga natigayon sa siyudad sa Cagayan de Oro.
Naaksidente sa motorsiklo sila si Ronald Dairo Tandog, 2, taga Barangay Camaman-an, siyudad sa Cagayan de Oro, samtang ang backrider naila nga si John Claude Racines, 23, taga Malaybalay, Bukidnon.
Naligsan ang 5 anyos sa Barangay Patag.
Sa pakighinabi kang PMaj Ian Borinaga, hepe sa Police Station 4 (PS4) sa Carmen, gibutyag nga nibangga ang motorsiklo sa Starex van nga gimaneho ni Mario Jipos Borong, 61, minyo, taga Talakag, Bukidnon, diha sa may Vamenta, siyudad sa Cagayan de Oro.
"Based sa investigation, sila ang nibangga sa Starex van," matud ni Borinaga.
Dead on arrival si Tandog, samtang nakabsan sa kinabuhi si Racines niadtong Hulyo 1 mga alas 8:00 sa buntag samtang anaa sa ospital.
Samtang sa laing aksidente, giingong wala nabantayan sa drayber ang bata nga nagdula sa dalan hinungdan nga nabanggaan kini ug nakabsan sa kinabuhi.
"Ang bata nagdula sa may dalan, then it was accidentally hit by Fortuner. Accordingly sa driver, wala niya nakita ang bata nga nagdula sa dalan," matud ni Borinaga.
Nagpahimangno ang kapulisan nga mag-amping sa pagmaneho ug diha sa kadalanan ilabi na sa mga motorista ug likayan nga mag-inom sa ilimnong makahubog kung magmaneho.