Giduso sa Regional Development Council (RDC) 7 ang paglakip sa walo ka mga dagkong proyekto sama sa 4th Mandaue-Mactan Bridge, Metro Cebu Expressway, ug uban pa sa Central Visayas (CV) nga mobalor og P10 bilyunes nga budget proposal alang sa 2024.
Ang Infrastructure Development Committee (IDC) sa RDC, gipangulohan ni Kenneth Cobonpue, nipresentar ug niendurso niini nga Programs, Activities and Projects (PAPs) ngadto sa mga miyembro sa Full Council atol sa 1st Quarter Full Council Meeting niadtong Marso 16, 2023, sa Quest Hotel and Conference Center, dakbayan sa Sugbo.
Kini nga mga Infrastructure PAPs ipatuman sa National Irrigation Administration (NIA-7), Department of Transportation (DOTr), ug Department of Public Works and Highways (DPWH), diin kini nalatid na sa Regional Development Investment Program (RDIP) sa CV. (EHP)