Gipahugtan sa host Milwaukee Bucks ang ilang paggunit sa overall leadership pinaagi sa pagsungag sa Toronto Raptors, 118-111, Lunes, Marso 20, 2023 (PH time) sa National Basketball Association (NBA).
Nagpakatap si Giannis Antetokounmpo og triple-double nga 22 puntos, 13 ka rebounds ug 10 ka assists samtang gimugna ni Brook Lopez sa 4th quarter ang 17 sa iyang 26 puntos aron pangulohan ang kadaugan.
Ang Bucks, nga ningsaka sa 51-20 nga rekord, nakadawat sab og 20 puntos gikan kang Khris Middleton ug 14 puntos gikan ni Bobby Portis.
Si Lopez maoy nimugna sa nag-unang walo ka mga puntos sa 4th quarter gikan sa iyang sunodsunod nga three-point plays ug hansak aron hatagan ang Bucks og 97-95 nga labaw.
Ang maong sagunson nga mga puntos ni Lopez maoy nidugkat sa 15-2 nga rally nga naghatag sa Bucks og 104-97.
“We settled down, we got back in control,” matod ni Lopez. “We talked about the third quarter-fourth quarter break. They just shot more times than us. We were shooting just as well, or better than them from two and three. We just had to take care of the ball and keep them off the offensive glass.”
Nakaduol pagbalik ang Raptors, 110-107, apan nakapuntos si Lopez sa ilawom unya nakapasulod og duha ka freethrows si Holiday aron inaton pagbalik ang labaw sa Bucks, 114-97, sa nahabiling 1:29 minutos.
Nagkanayon si Bucks coach Mike Budenholzer nga ang kabangis ni Lopez sa 4th quarter mao ang nag-agak kanila sa kadaugan.
“It changed the game,” matod ni Budenholzer. “I think what he did offensively was important, and then the defense always stands out.”
Ang Raptors, nga nidakin-as sa ikasiyam nga puwesto sa Eastern Conference dala ang 35-37 nga rekord, gipangulohan ni Fred VanVleet pinaagi sa iyang 23 puntos samtang nidugang og 22 puntos si O.G. Anunoby.
“All these games are important to us, that’s for sure,” matod ni Toronto coach Nick Nurse. “I like, kind of, how we’re playing. I think we’re very well for long stretches of games. Hopefully, we can just keep building on that.” (AP)