Ang Mandaue City nagplano sa pagbutang sa labing menos dose ka mga dapit sa tibuok Sugbo, apil na ang Cebu City, ubos sa higpit nga pagkontrolar sa utlanan isip kabahin sa ilang gipalig-on nga mga lakang sa pagpanalipod sa Siyudad batok sa posibleng pagkuyanap sa African swine fever (ASF) infestation.

Si Police Lieutenant Franco Rudolf Oriol, Mandaue City Police Office (MCPO) Deputy Chief of Operations ug tigpamaba, nitug-an sa media sa Martes, Marso 21, 2023, nga naghuwat sila karon sa go signal gikan sa Mandaue City Government alang sa deployment sa kapulisan.

Matod ni Oriol nga ang mga lugar nga hugot nga bantayan mao ang Upper ug Lower sa Tawason, Panagdait, Innodata, Banilad, Cabancalan, Lapu-Lapu City, Cansaga, Jagobio, 1st and 2nd Bridge, ug Talamban.

Matod ni Oriol nga upat ka mga pulis ang ipakatap sa matag utlanan, uban ang city health personnel ug pipila ka force multipliers, kasagaran mga barangay tanod. (HIC)