​​​​​​​Namutol og kable, nadakpan ug nasintinsyahan

(Contributed photo)
(Contributed photo)

NADAKPAN ang usa ka suspek sa pagpamutol og kable sa may Gorordo Avenue, niadtong Nobiyembre 19, 2022. Giaresto si Leonides Almodel Lascoña sa usa ka roving guard gikan sa Brave Knights security agency.

Daling gidala si Lascoña sa kapulisan ug gibilanggo dayon gikasuhan sa pagkalapas sa Republic Act 10515 kun Anti-Cable Television and Cable Internet Tapping Act of 2013 ug pagpangawat. Sa iyang pag-angkon sa maong kalapasan, gihukman siya sa korte sa pagpamulta og P50,000 ug pagkapriso og duha ka buwan ug usa ka adlaw niadtong Enero 23, 2023.

Matod pa ni Ruel Hechanova, Visayas ug Mindanao Cluster Head sa SKY, “ Dako namong pasalamat nga adunay resulta ang among pakig-alayon sa lokal nga kagamhanan ug sa pakigtinabangay sa lokal nga awtoridad subay sa ilang programang Oplan Kontra Putol.”

“Nanghinaot usab kami nga kining nahitabo mamahimo warning ngadto sa uban nga mga tawo nga dili angayang sundon ang maong buhat. Ug nga ang ilegal pagpamutol og kable usa kini ka dakong krimen nga adunay igong silot ” dugang pa niini.

Gilusad ang programang Oplan Kontra Putol niadtong 2022 nga gipangulohan sa SKY, kauban ang naglainlaing telecommunication, internet ug utility providers sa nasod. Ang tumong niini nga masibya sa kadaghanan ang mga impormasyon kabahin sa pagpamutol og kable ug ang epekto niini sa komunidad. Giawhag usab sa maong programa ang publiko nga kon ugaling adunay mamatikdan nga ilegal nga pagpamutol og kable, kini i-report dayon sa mga awtoridad—sa ilang barangay, sa kapulisan ug sa SKY.

Mamahimo usab mo-report sa SKY gamit ang Report Form nga naa sa mysky.com.ph/kontraputol o tawag sa Kontra Putol hotline number: (0922) 449 2047 ug (032) 232 1242. (SPONSORED CONTENT)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph