Pasakaan og kaso sa Kagamhanan sa Probinsya sa Sugbo ang bisan kinsang government agency o tinugyanan niini nga mosupak sa lagda nga giluwatan ni Cebu Governor Gwendolyn Garcia kalabot sa pagkuha og samples, pag test o pagpamatay sa mga baboy sa probinsya.
Ang makahimo niini kadto lang mga gitugotan ug gitahasan sumala sa nalatid sa kamandoan nga gipagawas sa gobernador.
Si Atty. Donato Villa, legal officer sa Kapitolyo, nipahibawo nga dili sila magpanuko sa pagpasaka og kaso sa mga mosupak sa lagda.
“If there is any violation, and in fact the PNP is already directed to enforce the executive order and this memorandum, they might be charged with a violation of this memorandum or executive order and may be charged with criminal offense under the Revised Penal Code,” matod ni Villa sa mga tigbalita sa Marso 22, 2023.
Niluwat og memorandum si Garcia nga direkta ngadto sa mga mayor ug kapulisan pagbabag sa mga ahensya ug mga tinugyanan niini nga mopugos sa pag conduct og tests o pagkuha og samples sa blood, serum, tissue o ubang organs sa mga baboy sa probinsya.
It is their obligation as a national agency before going to implement any program and policies they have to go through the Province of Cebu because in implementing those policies and programs they are affecting the constituents of the province,” dugang ni Villa.
Ang memorandum ni Garcia giluwatan sa Marso 22, 2023. Sa maong lagda, ang gitugotan lang sa gobernador nga makakuha og samples ang properly trained municipal agriculturists o city veterinarians.
WAY SALIG
Sa pakighinabi sa mga tigbalita sa Marso 22, giangkon sa gobernador nga wala siya’y pagsalig sa Bureau of Animal Industry (BAI) nga maoy mokuha og samples.
Gihagit ni Garcia ang BAI sa pagpakita sa paagi niini sa pagkuha og samples ug sa paagi sa pag test sa mga blood sample, kon nganong nakahukom kini nga pamatyon dayon ang tanang mga baboy bisan wala pa mapamatud-i nga nataptan sa African swine fever.
Wa usab makauyon ang gobernador sa pronouncement niini nga dunay ASF outbreak sa Sugbo.
Ang Kapitolyo ni tap sa pribadong partner nga Primecare nga tahasan nga mopaubos sa testing sa mga sample nga makolekta sa municipal agriculturists o city veterinarians.
“ We do not trust your testing methods much less we do not believe that every pronouncement of yours declaring areas as ASF free are gospel truths. You cannot defend that with actual evidence. Your actual evidence is just the positive results but you have no other evidence to include in your total diagnosis, as far as you are concerned BAI, the result of one diagnostic test is as good as a diagnosis, and that’s not the way it should be,” matod ni Garcia.
“Whatever you say especially when you break it out to national media, it impacts hundreds of thousands of livelihoods and lives. You can cause economic dislocation tantamount to economic sabotage,” dugang niya.