Gi-reschedule sa Commission on Elections (Comelec) ang filing sa certificates of candidacy (COC) alang sa barangay ug Sangguniang Kabataan elections (BSKE) ngadto sa Agusto 28 hangtod Septiyembre 2, matod ni Commissioner George Garcia niadtong Miyerkules, Marso 22, 2023.
“We reset the filing of COCs for Barangay and Sangguniang Kabataan elections from July 3 to 7 to August 28 to September 2,” matod ni Garcia.
Una nang giawhag ni Senador Francis Tolentino ang Comelec nga i-delay ang pag-file sa CoC aron mapugngan ang mga kagubot nga may kalabutan sa eleksyon ingon man ang sayo nga pagpamulitika ug matabangan ang mga lokal nga gobiyerno nga molihok sa wala pa ang eleksyon sa BSKE sa Oktubre. (TPM sa SunStar Philippines)