10 ka PDL sa CCJ positibo sa HIV

10 ka PDL sa CCJ positibo sa HIV

Napulo sa 6,100 ka mga person deprived of liberty (PDL) sa Cebu City Jail (CCJ) Male Dormitory positibo sa human immunodeficiency virus (HIV).

Si Jail Officer 3 Blanche Bation Aliño, information officer sa CCJ, niingon nga ang maong mga PDL hugot nga gi-monitor ug giatiman sa tabang sa Department of Health Central Visayas (DOH 7).

Matod ni Aliño, matag Biyernes dunay awareness program ang DOH 7 kon unsaon paglikay nga matakbuyan sa HIV.

Giklaro hinuon ni Aliño nga nakuha sa maong mga PDL ang HIV sa gawas, sa sex ug paggamit og nubain kun nalbuphine hydrochloride.

“Ang atong mga PDL nga naa ani nga sakit gihatagan sila og insakto nga treatment sa atong facility as well as sa Department of Health,” matod ni Aliño.

Dugang ni Aliño, ang dunay HIV wala gilain aron walay diskriminasyon apan gipahimangnoan sila, ilabi na ang mga bayot, nga dili makighilawas sa kaubang PDL.

Gipatutokan na kini nga kaso sa ilang medical team aron sila magpabiling himsog.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph