Nagka-TB sa Davao Region niabot na sa 16,000

(Infographic gikan sa DOH-Davao)
(Infographic gikan sa DOH-Davao)

ANG Department of Health (DoH) Davao Region, kauban sa ubang mga ahensiya ug mga pribadong grupo sa katilingban, milusad og programa kabahin sa Tuberculosis (TB).

Kini aron nga dunay kapangutan-an ang katawhan labot sa maong balatian kung paunsa kini malikayan, unsa ang mga simtomas niini ug asa mangayo og giya alang sa kadangpan.

Kagahapon adlawa, Marso 24, 2023, gilusad ang World TB Day diin sa Davao Region dungan sa paglusad sa CallKaLungs TB campaign diin gipahibalo ang mga numerong 0919-330-2202 ug ang 0945-268-0577 alang sa mga pangutana labot balatian nga TB.

Ang CallKaLungs hotline tumong nga maawhag ang publiko sa pagtawag sa maong numero aron nga maatiman ang panginahanglan may kalabutan sa TB.

Sa datus sa Davao Region, miabot na sa kapin 16,000 ang kaso sa TB niadtong 2022, mas mitaas itandi sa kapin 13,000 niadtong 2021.

Tungod niini, giandam na sa sa DOH-Davao ang 83 ka mga health facility sa tibuok rehiyon aron nga maatiman ang may mga problema sa TB, diin libre sab nga ihatag ang mga tambal alang sa mga ma-diagnose sa maong sakit.

Sa kada Marso 24, ginasaulog ang World TB day agi'g pagpahinumdom sa publiko may kalabutan sa maong sakit ug aron maundang na ang global TB epidemic.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph