BALOR og P500,000 ang nahimong danyos sa sunog nga miulbo ug milamoy sa Maniki Central Elementary School sa Purok 1, Barangay Maniki, Kapalong alas 7:00 sa gabii, Marso 22, 2023.
Gibutyag sa taho nga lima ka mga classroom sa maong tunghaan ang naugdaw ug gikonsiderang totally damaged.
Migawas sa imbestigasyon sa Bureau of Fire Protection (BFP) Kapalong nga ang hinungdan sa sunog mao "electrical ignation caused by loosed connection."
Hinuon wa'y gikatahong nasamdan o naangol sa sunog nga milungtad og kapin duha ka oras una hingpit nga gideklarang fire out sa mga kabomberohan.