Nagpaulbo og three-point bomb sa nahabiling 0.7 segundos si Isaac Okoro aron agakon ang Cleveland Cavaliers ngadto sa munasginhawang kadaugan batok sa host Brooklyn Nets, 116-114, ning Biyernes, Marso 24, 2023 (PH time), sa National Basketball Association (NBA).
“It was a lot of pressure put into the shot, of course,” matod ni Okoro. “You always feel good with a game-winner. For me, it was my first one.”
Sa kadaugan, misikit na ang Cavaliers sa labing una nilang pagsulod sa playoffs gikan niadtong 2018.
Kasamtangan silang naa sa ikaupat nga puwesto sa Eastern Conference dala ang 47-28 nga rekord.
Nagkinahanglan na lang ang Cavaliers og duha ka mga daog sa katapusan nilang pito ka mga duwa sa regular season aron makabalik sa playoffs.
Ang Cavaliers, nga ningdaog og walo sa katapusan nilang 10 ka mga duwa, gipangulohan ni Donovan Mitchell pinaagi sa iyang 31 puntos samtang nidugang og 26 puntos ug 16 ka rebounds si Evan Mobley.
“It was ugly at times,” asoy ni Mitchell. “There’s just so much going on (in the playoff race), and at the end of the day all we can do is control what we can control and winning these games instead of praying that other teams lose or win.”
Ang Nets, nga nakaangkon sa ikalima nilang sunodsunod nga kapildihan, natagak sa ikapitong luna sa East dala ang 39-34 nga rekord.
“It’s frustrating,” matod ni Mikal Bridges, kinsa maoy nangulo sa Nets pinaagi sa iyang 32 puntos. “Obviously, we’ve got to keep the energy and morale high, but it’s devastating losing like that.”
Nidugang og 25 puntos ug 12 ka rebounds si Spence Dinwiddie alang sa Nets samtang niamot si Joe Harris og 15 puntos, tanan gikan sa three-point area.
Nag-ung-ong na unta sa pultahan sa kadaugan ang Nets dihang nakaposte sila og 112-104 nga labaw sa nahabiling 2:13 minutos.
Apan sa wala damha, nimugna og 12-2 nga rally ang Cavaliers – inabagan sa tulo sa ka turnovers sa Nets – aron angkunon ang kadaugan.
“I felt like we deserved to win that game because we did a lot of good things throughout the course of the night,” batbat ni Nets coach Jacque Vaughn. “This is an opportunity for us to learn who we are.” (AP)