Ipakatap ang kapulisan ug militar sa mga eskwelahan nga apektado sa kalihokan sa New People's Army (NPA), ilabi na sa probinsiya sa Masbate, sa mando ni Presidente Ferdinand “Bongbong” Marcos Jr. sa mga ginikanan ug magtutudlo, nga ang gobyerno naghimo og mga lakang aron mapanalipdan sila.
Gihimo ni Marcos ang mando human sa sunod-sunod nga engkwentro tali sa mga rebeldeng komunista ug mga pwersang pangseguridad sa probinsiya sa miaging semana.
Si Defense Secretary Carlito Galvez Jr. miingon nga ang 9th Infantry Division (ID) sa militar ug ang Regional Command sa Philippine National Police (PNP) sa Bicol naghisgot na sa mga lakang aron mapugngan ang NPA sa paghimo og dugang mga teroristang kalihokan sa probinsiya.
Matod niya, nakig-alayon usab sila sa lokal nga kagamhanan ug mga opisyal sa tunghaan kon unsaon pagbatok sa sayop nga impormasyon nga kampanya sa mga rebelde.
Matod ni Galvez, ang go- byerno nag-activate usab og quick-reaction teams aron pagtabang sa mga apektadong estudyante, magtutudlo ug lokal nga populasyon sa Masbate.
“School officials were also briefed on how to react appropriately to a similar situation involving firefights or IED (improvised explosive device) incidents in areas with close proximity to learning institutions,” dugang ni Galvez.
Ang departamento sa edukasyon sa sayo pa nagpadayag og kabalaka sa "alarming rate" sa pag-atake sa NPA sa probinsiya, nga hinungdan sa dili angay nga pagkabalda sa pagkat-on sa mga estudyante sa lugar.
Sa usa ka pahayag niadtong Biyernes, Marso 24, ang Armed Forces of the Philippines (AFP) nagkanayon nga usa ka sundalo ang namatay samtang duha ka pulis ug duha ka sundalo ang samdan atol sa sunodsunod nga engkwentro sa NPA sa probinsiya gikan Marso 20 hangtod 22.
Lakip sa mga pag-atake ang panagsangka sa Barangay Villahermosa sa Cawayan ug Barangay Locso-on sa Placer, ug pag-atake sa bomba sa Barangay Gaid sa Dimasalang.
Ang mga opisyal sa eduka- syon sa Bicol nagkanayon nga gisuspinde ang mga face-to-face nga klase sa elementarya ug sekondarya sa upat ka lungsod sa probinsiya sa Masbate tungod sa nagpadayong engkwentro tali sa pwersa sa gobyerno ug mga rebeldeng NPA.
Magpabiling suspendido ang pagpahigayon sa in-person nga klase hangtod nga ma-normalize ang sitwasyon.
Matod ni Galvez, ang bag-ohay nga mga pag-atake sa mga rebelde maoy mga buhat sa desperasyon human sila makasugat og sunod-sunod nga kapakyasan sa bag-ohay nga panagsangka sa mga tropa sa gobyerno.
Sa usa ka press briefing, si Department of National Defense Spokesperson Arsenio Andolong niingon nga aduna na lay lima ka aktibo nga prente nga gerilya sa Bagong Hukbong Bayan sa nasod gikan sa 89 ka prente sa grupo kaniadto.
Matod niya, ang Mindanao nagpabiling labing daghang NPA-infested nga lugar sa nasod.
Matod ni Andolong nga mas duol na ang gobyerno sa pagtapos sa problema sa insurhensiya sa nasod. (SunStar Philippines)