5,000 PDLs masud sa bag-ong prisohan

Hulagway iya ni Ervin Paul Enemenzo
Hulagway iya ni Ervin Paul Enemenzo

ANG bag-ong Davao City Mega Jail nga padayon pang gikonstrak makaakomodar og 5,000 ka persons deprived of liberty (PDL).

Ang bag-ong pasilidad nahimutang sulod sa otso-ektarya nga propedad sa Barangay Wangan sa Calinan district.

Nasayran nga ang kasamtangang Davao City Jail sa Maa naghuot na nga gidesinyo lang nga makaakomodar og 700 ka tawo apan naa na kini karon sa 3,000 PDLs.

Sumala ni Jail Senior Inspector Ellen Rose Saragena, hepe sa Community Relations Section sa Bureau of Jail Management and Penology, sa di madugay mobahin sila og mga PDLs sa male dormitory sa city jail sa Maa ngadto sa bag-ong pasilidad.

"For now, we have 3,100 PDLs in the male dormitory. It's very congested because the facility is good for 700 people. We are just waiting for the construction to be finished," pasalig ni Saragena.

Naghuwat pa sila nga makatakod na og kuryente ug tubig sa bag-ong pasilidad. Apan ang dakong hagit matud pa ni Saragena nga ang pagtakod sa lisud tungod kay ang prisohan layo ug ang pinakaduol nga komunidad sa pasilidad wala pa puy kuryente ug tubig.

"We are just waiting for the budget to be downloaded and for the City Government to help us so it will be completed," tug-an ni Saragena.

Ang espasyo nga biyaan sa mga pinirisong lalaki sa Maa hulipan sa pasilidad sa annex jail kon diin nahimutang ang lesbian, gay, bisexual, transgender and queer (LGBTQ) community, edaran ug masakiton.

Matu dniya nga ang BJMP dunay plano nga maghimo niini nga "self-sustaining jail" kay kasamtangan duha lang ka ektarya sa walo ka ektaryang propedad ang nagamit.

Naglaum siya nga karong tuiga makabalhin na, apan tanan mag-agad kon kanus-a matakuran og tubig ug kuryente ang bag-ong prisohan ug mapagawas na ang badyet. (PIA-Davao)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph