3 gikonsiderar nga utok sa pagpatay kang Degamo

File photo
File photo

Si Justice Secretary Jesus Crispin Remulla niingon sa Lunes, Marso 27, 2023, nga duha ngadto sa tulo ka mga tawo ang gitan-aw sa mga awtoridad, lakip si suspended Negros Oriental Third District Representative Arnolfo Teves Jr., isip utok sa pagpatay kang Negros Oriental Governor Roel Degamo.

Sa pakighinabi sa mga tigbalita, si Remulla niingon nga ang gidudahang mastermind maabot ra sa mga imbestigador.

“I think they can be contacted, I think. There’s always social media. Meron namang social media diyan. Meron nga yung isa parang nag text sa akin. I told you about it last week. Si Congressman Teves texted me,” matod ni Remulla.

“I think they’re considered — they’re being considered as masterminds, but I don’t know yet. I have to get into the panel of prosecutors. But right now, the way it is progressing, that’s the direction we’re heading,” dugang niya.

Sa miaging semana, si Remulla niingon nga si Teves nakig-alayon kaniya taliwala sa nagpadayong imbestigasyon sa pagpatay kang Degamo niadtong Marso 4 nga miresulta usab sa kamatayon sa laing walo ka mga tawo.

Sukad sa pagpatay, gi-upload ni Teves sa Facebook ang duha ka mga video diin balikbalik niyang gihimakak ang mga pasangil nga naglambigit kaniya sa pagpatay kang Degamo ug nangayo pa og kaangayan taliwala sa giingong “operasyon” batok kaniya.

Sa buwag nga press conference, ang tigpamaba sa Department of Justice (DOJ) nga si Mico Clavano niingon nga ang imbestigasyon naggiya kanila sa pagkonsiderar sa political rivalry isip motibo sa pagpatay.

“From the very get go sinabi na ni PBBM (President Ferdinand Marcos Jr.) na this is purely political, so amongst all the motives na siguro kinonsider ng special task force, isa yun sa mga kinonsider na this is purely political and when you say it’s purely political, ‘yung political rival po ni Governor Degamo. The known political rival is the Teves family kaya sinabi yun ni secretary kanina na he is one of those we are considering,” matod niya. (TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph