HIMUON sa Martes, Marso 28, 2023, ang pay-out alang sa annual subsidy nga P1,500 sa mga senior citizens sa Davao City.
Kini gikan sa budget sa 2022 diin suma sa City Social Welfare and Development Office (CSWDO) mao kini ang wala nakuha sa mga edaran sa miaging tuig.
Gisugdan kini kagahapong adlawa diin natigayon kini sa Buhangin B District sa Barangay Sasa ug karong adlawa, matigayon na sab kini sa samang venue gikan alas 8 sa buntag padung alas 4 sa hapon.
Sa Marso 29 ug Marso 30, 2023 matigayon na sab ang pay-out didto sa Barangay 76-A, sa S.I.R gym.
Sa programang Serbisyo Dabawenyo sa Davao City Disaster Radio kagahapon, Lunes gipanawagan kini alang sa mga senior citizens sa Davao City nga wala pa naka-claim sa ilang annual subsidy.
Kini usa ka programa sa siyudad sa Davao aron nga makatabang sa panginahanglanon sa mga senior citizens diha sa ilang mga maintenance nga tambal.
Alang sa dugang mga pangutana kontaka ang buhatan sa CSWDO-Davao sa mga numerong tel nos: 225-0417 / 0956-211-1701 ug sa email: cswdo@davaocity.gov.ph.