Mga tinun-an sa BCT gibaha og awards

(Hulagway pinaambit sa BCT)
(Hulagway pinaambit sa BCT)

MGA estudyante gikan sa Brokenshire College of Toril (BCT) sa Davao City nakadawat og daghang mga pasidungog atol sa ika-18th International Robothon 2023 nga gipahigayon sa Universiti Teknologi Malaysia, Kuala Lumpur, niadtong Marso 26, 2023.

Giulohan og Robo Aces, mga tinun-an sa elementarya sa BCT gideklarang first-runner-up sa VEX IQ Veterans Category, girepresentahan ni Al Emmanuelle Diestro, Fiona Lorraine Nuyad, ug Marie Raven Deguma.

Samtang ang tim sa DK Rophe Paniamogan uag Shaun Gabriel Barez gikan sa junior high school nitapos sa ikaduhang puwesto sa VEX IQ Expert Category.

Ang tim sa senior high school nga tinun-an gilangkuban nila Bianca Marie Djozel Salazar, Aaron Daniel Alabata, ug Joshua Carl Sumilhig nisungkit og Distinction Award sa VEX IQ Expert Category.

"Naa jud sila'y separate training for them and an intended coach for the competition," matud ni Cherrie Paniamogan, BCT school director sa paghinabi sa telepono.

"Ginatudluan sila mahimong independent during competitions, no coaches or parents allowed," dugang pa ni Paniamogan.

Gikanayon ni Paniamogan nga garbo kaayo nila kung giunsa sa ilang mga tinun-an mahitsas sa competitive technological advancements bisan sa ilang kabatan-on sa edad.

Sa tigi sa Robothon, misalmot nga mga tinun-an gilauman nga makamugna, makadesinyo ug makaprogram og robots nga dunay katakus sa paghimo og nagkadaiyang tahas nga ginahimo sa tawo.

Kapin 200 ka kontestant gikan sa primary ug secondary schools sa Pilipinas, China, Malaysia, Thailand, Indonesia, ug Vietnam nisalmot sa maong tinuig nga kalihukan.

Mga tinun-an sa BCT giila sab nga kampeyon atol sa 8th Philippine Robothon nga nahitabo sa San Beda University, Metro Manila. Gideklara silang kampeyon sa International Robothon VEX IQ Expert Category sa national level sa kompetisyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph