GIPAHIBAWO sa Davao City Water District (DCWD) nga dunay pagkapawong sa suplay sa tubig sa Marso 31 hangtud Abril 1, 2023, tungod sa pag-ayo sa Cabantian Production Well No. 2.
"Water supply has to be temporarily shut off in the affected areas to give way to the reconstruction of Cabantian Production Well No. 2 including installation of transformers and new electrical pole, tapping works, and transfer of meter connection," sumala sa napatik sa Facebook Page sa DCWD.
Ang pagkapawong sa suplay sa tubig ipatuman gikan alas 6 sa gabii sa Marso 31 hangtud 6:00 sa buntag sa Abril 1 sa pipila ka lugar nga giserbisyohan sa Cabantian Water Supply System (WSS).
Ang maapektuhan nga mga lugar mao ang Deca Homes, Emily Homes Subd., Chula Vista Subd., Country Homes, Greenland Subd. Phases 1 ug 2, ug porsiyon sa Ciudad de Esperanza ilabi na ang mga dalang Apple, Avocado, Cherry, Durian, Guyabano, Lanzones, Lime, Mabolo, Mangga, Mangosteen, ug Melon.
Lakip nga maapektuhan mao ang mga lugar sa Communal ilabi na sa Cecilia Heights Phases 1 ug 2, Priscilla Estates Phases 1 ug 2, ug Victors Subdivision.
Nagpahimangno ang DCWD sa Dabawenyos nga maapektuhan sa pagkapawong sa suplay sa tubig nga "store water in clean and covered containers at least three days before the scheduled water service interruptions."
Apan gikanayon sa ahensiya nga ang suplay sa tubig mahimong sayong mobalik kung ang pag-ayo way masinating aberiya. (KSD)