Ipaubos sa third and final reading ang ordinansahon sa Dakbayan sa Sugbo nga maoy maghatag og tag P15,000 nga bonus sa kapin 5,000 ka mga kawani sa Cebu City Government.

Kini ang gibutyag ni City Councilor Noel Wenceslao, chairman sa committee on budget and finance, diin ang pundo kuhaon gikan sa 2023 Annual Budget.

Si Wenceslao nagkanayon nga moabot og P67 milyunes ang gitagana sa City Government alang sa mga kawani human nisaad si Mayor Michael Rama nga tagaan niya og Charter Day bonus ang mga empleyado atol sa ika-86 ka tuig sa pagkahimong siyudad sa Cebu City.

Si Mayor Michael Rama niawhag sa SP nga ipadali ang pagpasar sa bonus sanglit dili angay papaabuton og dugay ang mga empleyado, kinsa maoy labing nanginahanglan.

“Naaprobahan na ninyo wa pa, paspasi ninyo hapit nang eleksyon. Do a special session, come on, why you can’t do that? The poor cannot wait, think about it, do a special session,” pamahayag ni Rama atol sa flag raising ceremony niadtong Lunes, Marso 27.