Polis ‘lovers’ naabtan sud sa motel, gipangdakop

NAATLAN: Wa na kalingkawas ang patrolwoman ug police corporal (dunay patik) nga naatlan sud sa motel sa lungsod sa Talibon, Bohol. Ang reklamante nga bana, usa sab ka polis nga nadestino sa Sugbo, nagduda sa iyang asawa tungod sa lahi na niini og tinagdan ngadto kaniya hinungdan nga iyang gipanid-an. / TAMPO sa Talibon Police Station
NAATLAN: Wa na kalingkawas ang patrolwoman ug police corporal (dunay patik) nga naatlan sud sa motel sa lungsod sa Talibon, Bohol. Ang reklamante nga bana, usa sab ka polis nga nadestino sa Sugbo, nagduda sa iyang asawa tungod sa lahi na niini og tinagdan ngadto kaniya hinungdan nga iyang gipanid-an. / TAMPO sa Talibon Police Station

Polis nga mga sakop sa Regional Personnel Holding Administrative Office (RPHAO) sa Police Regional Office (PRO) 7, patrolwoman ug police corporal, gisikop sa mga sakop sa Talibon Police Station, Talibon, Bohol sa Martes, Marso 28, 2023.

Tug-an ni Police Staff Sergeant Rodel Garcia, duty investigator sa Talibon Police Station, minyo ang patrolwoman, 28 ang pangidaron, lumad nga taga Talibon samtang ulitawo ang police corporal, 38 anyos.

Sumala pa ni Garcia nga ang bana nga reklamante usa sab ka polis nga nadestino sa Sugbo sa 1st Provincial Mobile Force Company sa Cebu Police Provincial Office (CPPO).

Ang bana taodtaod nang nakabantay sa lahi na nga tinagdan sa iyang asawa, hinungdan nga iya kining gipanid-an. Iyang nakompirmar ang iyang pagduda human niya nasundan ang iyang asawa. Identity sa mga hingtundan gipugngan ning pamantalaan.

Gisundan sa reklamante ang iyang misis ug sa dihang nakompirmar nga nisulod sa motel kuyog sa laing lalaki nga wa pa niya masayri nga polis sab, nangayo gilayon siya og police assistance ngadto sa Talibon Police Station ug gihimo dayon ang pagresponde sa maong motel.

Sigun pa sa paghulagway sa kapulisan nga naabtan ang police corporal nga wa nay sapot dihang ilang gisikop.

Kasong adultery ang giatubang sa maong mga polis nga gipriso pa sa pagsuwat ning taho.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph