JAE MARI DIONSON MAGDADARO
c/o UP-Cebu, Cebu City
Kasayawan na ang karsada
ang mga iro nga gihigot sa mga eskina
nag-iyahay na paghagok,
gapaghot diha sa ilang mga damgo
samtang gabaid sa ilang mga tango.
Wala na sila makamatikod sa lakang
sa mga nagkintong mga pugante
sa kawad-on, kansang kagabhion
nahimong adlaw
ug ang kaadlawon,
kahapunong nagduka-duka
uban sa hustisyang
walay tango
ug walay kapaulian.