Tambagi ko Noy Kulas: Magselos ba ko?

Tambagi ko Noy Kulas: Magselos ba ko?

Dear Noy Kulas,

Just call me Bennie, 32 years old, minyo ug duna na mi anak sa akong bana. Nagtrabaho siya kaniadto sa abroad sa wa pa mi gaminyo six years ago.

Wa kaayo ko makakuha og background aning akong bana kay lagi overseas foreign worker ni siya. Nagkaila mi thru Facebook, nag-date ug nag communicate og sige until naka decide na mo settle down. Two years sa among marriage niundang na siya sa abroad ug nagnegusyo diri while nag work ko.

Last week man tingali to nakabasa ko og sender nimo nga dunay problema sa kanang anak sa iyang bana to? Kani ako the same situation but ulitawo pa ni siya nahitabo. Di pa mi kaila. Wa diay siya kahibawo ani nga naa siyay anak kay niuli ang babaye diri sa Pilipinas ug wa na silay communication. Last year, ni contact niya ang babaye parte sa ilang anak kay naluoy siya sa bata nga nagsige og ask kinsa iyang papa.

Di man maka deny ang akong bana kay ang bata version kaayo niya og nawong. Karon, natural asawa baya ko, bisan past na ug wa pa mi nagkaila, nakuwayan ko kay duna silay past sa babaye. Di kaha mabanhaw ang ilang past? Mahimo bang di nako ipaangkon sa akong bana ang bata? Makapugos ba sa akong bana sa pagsustento ang inahan sa bata? Maayo unta imong matubag ang akong mga pangutana. Daghang salamat, Noy Kulas.

BENNIE

Bennie,

Kanang sustento lalisunon pa na kon imong ipa contest sa imong bana kay wa man kaha pa siya mo acknowledge legally nga siya ang papa anang bataa? If niila na siya legally ug nakasugod na siya og sustento, lisod nang i-contest pa.

But nako lang ha, if liwat kaayo niya ang bata, ayaw na lang na lalisa ninyo labina if niangkon na sab ang imong bana.But nagtuo ko nga ang imong gipanagan-an di ang sustento, kon di na worry ka nga magkauli silang duha ug ang sustento maoy bridge.

Well, as a wife, mahimo ra man nga ang sustento ug tanang related communications diha sa imoha. Kon mag meet sila sa bata, naa ka ug ang inahan. Ibutang ang imong self sa situation sa mama, unsa sab kaha ang imong buhaton ug bation isip inahan sa bata?

NOY KULAS

rojval69@yahoo.com

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph