Ang dakbayan sa Sugbo mosugod sa pagpakatap sa police personnel sugod sa Lunes Santo, Abril 3, 2023, ngadto sa mga dapit nga dugokunon sa daghang mga tawo nga motambong sa kalihukan sa pag-obserbar sa Samana Santa.
Unang ipakatap sa Lunes mao ang mga sakop sa tourist police sa Plaza Independencia, Fort San Pedro, Sirao Garden, Temple of Leah, Magellan’s Cross ug Carbon Public Market.
Lakip sa tutokan mao ang Good Shepherd sa Banawa, Tabor Hills sa Barangay San Jose ug ‘Buhing Kalbaryo’ sa Barangay Guadalupe sa Biyernes Santo, Abril 7, 2023, nga naandan nga daghan og mga tawo.
Samtang, ipakatap usab niya sugod sa Lunes Santo, Abril 3, 2023, ang mga sakop sa tourist police sa Plaza Independencia, Fort San Pedro, Sirao Garden, Temple of Leah, Magellan’s cross ug sa Carbon Public Market.
Matod ni Police Colonel Ireneo Dalogdog, hepe sa Cebu City Police Office (CCPO), giila na nila ang mga lugar nga dunay mga relehiyusong kalihukan nga maoy patutokan sa ilang deployment.
“Sa Holy Week dili lang ang mga simbahan ang atong areas of concerned. Naa pud tay gina-consider kining places of worship kay mao man gud na ang pag commemorate this years Lenten season, aside from that gi-consider nato ang sea ports, terminals, duna kitay upat ka terminals, tulo ka sea ports, pabutangan nato didto og mga police assistance desk,” matod ni Dalogdog.
Gipang-ila na usab ang dagkong mga simbahang Katoliko nga moabli sa Biyernes Santo alang sa Visita Iglesia aron mahatagan usab og personnel.
Dunay kapin sa 30 ka mga simbahan ang naa sa siyudad nga pabisitahan ni Dologdog sa police station commanders aron masayran unsay angay nga buhaton sa ilang seguridad.