HAP-AN ang Semana Santa og kapin 2,000 ka personahe sa Police Regional Office Davao Region (PRO-Davao) aron nga maseguro ang hapsay ug malinawon nga kasaulogan.
“Ide-deploy natin sila sa mga places of worship, major thoroughfares, and ‘yong mga transportation hubs, terminals pati ‘yong mga commercial areas,” pasalig ni PMaj. Eudisan Gultiano, tigpamaba sa PRO-Davao atol sa AFP-PNP press conference Miyerkules, Marso 29, 2023.
Matud pa niya nga dugangan pa sila og mga force multipliers.
“Kasama na rin po ‘yong mga places of convergence, and activated ‘yong tourist police ay magiging busy din,” butyag niya.
Ubang mga tawo magpahimulos sa maong panahon aron nga makabakasyon.
Samtang nagpahimangno si Gultiano sa Dabawenyos kinsa manguli sa ilang mga probinsiya nga susihon og maayo ang ilang panimalay una molakaw.
“Kailangan po nilang i-double check ang kanilang pamamahay para ma-avoid natin ‘yong robbery incident,” pasidaan niya.
“Another thing baka hindi nila na-off ‘yong mga appliances, sa LPG na usually nagiging cause of fire. So, please be reminded before kayo mag-alis to secure your property,” puno pa niya.
Segurohon sab nila ang ilang mga sakyanan kung piskay ba padaganon sa biyahe.
“Kapag babyahe kayo, pumunta lang talaga sa designated terminals at huwag kayong magpara kung saan for your safety also,” dugang pasidaaan niya.
Hinuon, gipaneguro niya nga tanang mga personahe nga ipakatag andam nga moabag ug giandam sab ang police desk. (KSD)