NAANGIN ang tulo ka sibilyan, apil ang menor de edad sa panag-engkuwentro sa magkaaway nga duha ka kumander sa Moro Islamic Liberation Front (MILF) sa Rajah Buayan, Maguindanao del Sur buntag niadtong Marso 29, 2023.
Napatay mao ang 14-anyos nga lalaki samtang ang 67-anyos nga lola, apil ang iyang pag-umangkon naangol.
Gibutyag ni Rajah Buayan Chief of Police, Captain Joel Lebrillo, nga nagka-engkuwentro ang grupo nila Kumander Blacky sa 106th Base Command ug Kumander Uti sa 105th BC nga pulos mga sakop sa MILF sa Barangay Bakat, Rajah Buayan sa maong probinsiya.
Tungod sa hitabo, daling nanghikling ang mga sibilyan paingon sa luwas nga dapit sa kahadlok nga maipit sa kagubot.
Apan ang 14-anyos nga batan-ong lalaki ang napatay sa maong higayon ug samdan ang lola ug pag-umangkon niini.
Nahunong lang ang pinusilay sa dihang nagpatunga na si Rajah Buayan Mayor Bai Maruja Ampatuan Mastura, uban ang mga tag-as nga opisyal sa MILF, militar ug kapulisan.
Padayon nga negosasyon sa LGU-Rajah Buayan sa duha ka kumander nga dunay tagsa-tagsang grupo aron nga maresolba ang ilang personal nga dumot.