Labor group moapelar sa RWTPB 7 sa umento sa sweldo

Labor group moapelar sa RWTPB 7 sa umento sa sweldo

Usa ka lokal nga labor group naghuna-huna nga mopasaka og ‘motion for reconsideration’ human ang Regional Tripartite Wages and Productivity Board (RTWPB-7) wala mosugot sa ilang P100 nga ‘across the board’ wage hike petition.

Ang tigpamaba sa Partido Manggagawa - Cebu nga si Dennis Derige nitug-an sa SunStar Cebu sa Biyernes nga ilang gikwestyon ang pinakaulahing hukom sa RTWPB-7 nga nag-ingon nga ‘lack of jurisdiction’, nga nitumbok nga sila ‘technically’ giigo sa board.

Matod pa ni Derige nga kini maoy unang higayon sa ilang grupo nga gigamit sa RTWPB 7 ang argumento sa ilang mga petisyon.

Sa miaging semana, ang RTWPB-7 niingon sa resolusyon nga ang P100 nga ‘across the board’ wage increase dili ubos sa ilang hurisdiksyon, tungod sa desisyon sa Korte Suprema niadtong Pebrero 2007 sa kaso sa Metro Bank and Trust Company batok sa Regional Tripartite Wages and Productivity Board. sa Rehiyon 2 ug sa National Tripartite Wages and Productivity Board (NTWPB), nga nag-ingon nga ang RTWPB dili makahatag og ‘across the board’ nga usbaw sa suholan.

Gipasabot ni Derige nga ang ‘across the board’ nagpasabot niadtong mga trabahante nga adunay suweldo nga labaw sa minimum nga inadlaw nga suholan.

Sa pagkakaron, ang Central Visayas adunay labing kataas nga minimum nga suholan nga P435 ubos sa Class A ug non-agriculture classification.

Matod ni Derige nga ang mga trabahante nga adunay P436 pataas gitawag nga ‘across the board’ category.

“Unfair kaayo nga ang makabenepisyo ra sa ilahang wage increase kay katung P435 bisan og peso lang ang diperensya sa minimum kay wala na maapil,” matod ni Derige.

“Naglisod na gyud ang mga trabahante karon nganong ang ilahang huna-hunaon kay ang mga technicalities (diin) klaro naman kaayo nga ni os-os ang purchasing power sa mga mamumuo whether minimum or not,” dugang niya.

Matod niya nga sukad sa Oktubre 2022, sa nagkataas nga inflation kada buwan, ang minimum nga sweldo nawad-an og P70 nga purchasing power.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph