NAGPAGAWAS na og pahayag si Brigadier General John Guyguyon, regional director (RD) sa Police Regional Office (PRO) sa Bangsamoro Autonomous Region in Muslim Mindanao (Barmm), human gisignit sa Criminal Investigation and Detection Group (CIDG).
Kini base sa warrant of arrest nga gipagawas sa duha ka Regional Trial Courts (RTCs) sa Quezon City tungod sa managlahing kaso niini nga syndicated estafa.
“Nadamay lang po ako bilang incorporator. I had no hand in any collection or whatsoever. Nagpa-custody na ako as good officer para maharap ko na din [ang] case. Maraming salamat po. 'Yan na muna po. I assure you po na wala tayo inagrabyado na tao and that my conscience is clear. Keep safe po,” suma ni Guyguyon.
Hinuon, wala na gidetalye ni Guyguyon ang ubang impormasyon kalabot sa iyang kaso. Apan iyang giklaro nga wala kini kalambigitan sa iyang trabaho isip taas nga opisyal sa Philippine National Police (PNP).
“By the way, this is not work related po. Was just trying to help noon kaso, ito [ang] nangyari,” dugang sa heneral.
Nasayran nga si Guyguyon milingkod isip RD sa PRO-Barmm niadtong Agosto 2022 ug gitakdang ibalhin sa Office of the Chief PNP alang sa iyang bag-ong assignment.
Si PBGen Gil Francis Tria, kinsa kanhi deputy regional director for administration sa PRO, temporaryong molingkod isip Officer-in-Charge PNP-Barmm.