ALARMING matud pa ang mga kaso sa lugos sa Davao Region, sumala sa Police Regional Office-Davao Region (PRO-Davao) kon diin nakatala sila og 604 ka mga kaso gikan Enero hangtud Disyembre 2022.
“Out of 604, we were able to resolve 378 and then some of them are already in the preliminary investigation, which is 210,” tug-an ni PRO-Davao spokesperson Police Major Eudisan Gultiano atol sa AFP-PNP press conference niadtong Marso 28, 2023, sa Royal Mandaya Hotel.
“Medyo mataas talaga ang report rate ng DCPO (Davao City Police Office), Davao del Norte Police Office and Davao de Oro Police Office,” dugang pa niya.
Wa hinuon mihatag ang PRO-Davao og paghimay-himay sa mga kaso gikan sa matag area of responsibility tungod kay wala pa ang datus.
Apan gisulti ni Gultiano nga kasagaran sa mga kaso naglambigit sa mga menor de edad ug mga "incest" nga mga kaso kon diin mga suspek kasagaran ang amahan, igsuon, o ig-agaw ug kahigalaan sa mga biktima o kaha suod nga tawo.
Matud sab ni Gultiano nga dunay posibilidad nga ang hinungdan nga mitaas ang ihap sa mga kasong lugos nga natala tungod sa "proactiveness" sa ahensiya.
“Proactive na ‘yong PNP (Philippine National Police), ibig sabihin hindi na natatakot ‘yong mga biktima na mag-report,” pagtin-aw niya.
Hinuon, giingong gimando na ni PRO Regional Director PBGen. Alden B. Delvo nga molusad og pagsusi kung nganong mitaas ang mga kaso niini. (KSD)