“Ding talasuyu ning Ginu mikakabus la karing miyayaliwang uring kasalanan
uling mamangan lang pamangan a miyampang pamu king pamidaun.
Ding aliwa, a magsaryang pamangan kabud mu para king pangsarili dang ikatula,
mamangan lang kabud kasalanan.
Ding sablang mabibye katawan magkagyu la king pamangang butil, a manibatan king uran. Ding uran manibatan king pamagdaun,, at ing daun misasapwak king mitutuk a katungkulan.
Ding mituntun a karaptanan manibatan la karing Aklat Belwan, at ding Aklat Belwan
tuntun lang mibubulalag manibat king Kakataskatasang Pangatau ning Pun-Ginu.
Uli niti, ing makalaganap a Kalagpasan alang-angga yang makadane karing dapat pamidaun.
Makamal a Ardyun, ing taung e tutuki kareting mitutuk a kaparalanan king pamidaun
agpang karing Aklat Belwan bitasa lang tataglus king bye makasalanan,
pauli ning ing taung binang matula kabud karing panamdam mabibye yang alang ulaga.
Ing ninuman, makananu man, magpakasasa king sarili, a miyayaslagan king sarili,
a tutula kaniti at makagyu king sarili mu kabud, ganap yang kakabsi--para kaya
alang katungkulan.
Ing taung mekapigunam na king sarili ala yang sangkan gampanan king pamanupad na
king mitutuk a tungkulan, at ala ya namang sangkan nanu mang bang e tuparan ing dapat ayti. At e na naman kaylangan masa king ninu mang aliwang mabibye lelangan.
Inya pin, ing ninu man dapat yang kimut alang pangasuglung karing bunga da
ring kararaptanan; dapat kimut ya anting pauli ning tungkulan;
uli ning ing gugusal alang pangagapus, ing ninu man darasnan ne ing Kakataskatasan.”
~ Dalit ning Kaktaskatasang Panginwan, Dangka 3, Sunis 13-19
(The Song of God | 3: 13-19)