Atol sa National Reading Month matag Nobiyembre, ang City Savings Bank, Inc. (CitySavings), ang thrift arm sa Union Bank of the Philippines (UnionBank) nga gipangulohan sa Aboitiz, mapasigarbuhong nag-una sa mga programa sa Brigada Pagbasa sa Luzon, Visayas, ug Mindanao, sa pagsuporta sa Hamon: Bawat Bata Bumabasa (3Bs Initiatives) nga programa sa Department of Education (DepEd).

Ang CitySavings miapil sa okasyon samtang gipakusgan sa DepEd ang ilang kampanya sa kabatid sa pagbasa aron matul-id ang gintang sa literasiya sa mga tinun-an, ilabi na sa geographically isolated o layo nga mga eskwelahan, nga gitawag usab og last mile schools.

Ang nangaging mga nasudnong pagtasa nagpadayag nga kini nga mga estudyante kinahanglan pa nga pauswagon ang ilang kahanas sa pagbasa ug pagsulat. Kini ang nakaaghat sa DepEd nga unahon ang adbokasiya sa 3Bs Initiatives aron masiguro nga ang matag estudyante makabasa sa ilang grado, ug ang matag magtutudlo masangkapan aron mahimong epektibo nga mga magtutudlo sa pagbasa.

“Advocating for quality education has always been a priority of CitySavings, and we are honored to be one of the partners of DepEd. Through this Brigada Pagbasa initiative, we hope to reach more far-flung areas and provide support to address education-related advocacies,” pasabot ni CitySavings Reputation and Brand Management Head Paula Ruelan.

Ang CitySavings, sa pakigtambayayong sa DepEd, midonar og mga laptop, TV set, projector, ukeleles, sanitation essentials, reading materials, ug learning and teaching kits sa last-mile schools. Ang CitySavings team giubanan nila ni DepEd Undersecretary Gerard Chan ug Director Marge Ballesteros.

Ang mga benepisyaryo naglakip sa Cardenas Elementary School sa Nueva Ecija; Dibisyon sa Camarines Sur sa Bicol; Pinamuk-an Integrated Farm School sa Aklan; Cantiguib Elementary School, Canlimpong Primary School, Cambanac Primary School, ug Tunga Elementary School sa Bohol; mga distrito sa Hindang, Hilongos, ug Inopacan sa Leyte; Dibisyon sa Dipolog City, Pagadian City, Zamboanga City, ug Davao del Norte.

“Catinguib Elementary School is one of the many public schools that lack educational resources. A sad reality is that in order to maintain a fully operating classroom and meet the requirements, teachers frequently make financial sacrifices,” paambit ni Catinguib Elementary School Officer in Charge Gorgonia Doria.

“When we were informed that our school had been selected as one of the beneficiaries of the outreach program spearheaded by the DepEd Central Office team and City Savings Bank, I was incredibly beyond grateful as this is a once-in-a-lifetime opportunity. Seeing how pleased my dear students were as they received their learning kits and reading materials brought me to tears. To our partners, thank you for making that day memorable for our students as well as for us, teachers,” dugang ni Doria.

Ang 3Bs Initiatives sa DepEd gibase sa panukiduki nga naglatid sa tulo ka mga bahin sa usa ka malampuson nga programa sa pagtudlo sa pagbasa: propesyonal nga kalamboan alang sa mga magtutudlo, epektibo nga kagamitan sa pagtudlo, ug mga sistema sa eskwelahan nga nagsuporta ug nag-amuma sa pagpatuman. Ang sunod nga pagtuon sa kaepektibo sa programa sa 3Bs Initiatives nagpakita nga ang mga interbensyon niini malampuson nga nakapauswag sa performance sa pagbasa sa mga estudyante. (PR)