DOTr mipasalig nga Kapitolyo bayran sa lote alang sa CBRT

File photo
File photo

Ang Department of Transportation (DOTr) nisaad nga bayran ang Kagamhanan sa Probinsiya sa presyo sa mga lote nga maapektuhan sa Cebu Bus Rapid Transit (CBRT) project sa Osmeña Blvd., Cebu City.

Si Engr. Benedicto Guia, manager sa DOTR National BRT Program Management Office, niingon nga nagpaabot sila sa pagtugot sa dugang pundo gikan sa National Economic and Development Authority (NEDA).

Matod niya nga bayran nila ang Kapitolyo sa higayon nga madawat na nila ang pormal nga claim of ownership gikan sa Provincial Government.

Ang Kagamhanan sa Probinsiya ug DOTr una nang nagkasabot nga magtukod og technical working group nga maoy modeterminar sa kantidad sa mga lote nga gipanag-iya sa Probinsiya nga maapektuhan sa proyekto. Hangtod sa Miyerkules, Abril 5, 2023, ang kantidad wala pa matino.

“This is the order of the President (Ferdinand Marcos Jr.), then we will have to abide by that,” matod ni Guia sa pakighinabi sa Sugbo News niadtong Martes, Abril 4, 2023.

Ang unang hugna sa CBRT project naglangkob sa gilay-on nga 2.38 kilometros gikan sa Cebu South Bus Terminal sa N. Bacalso Avenue paingon sa atubangan sa Capitol building sa Osmeña Blvd.

Si Cebu Governor Gwendolyn Garcia niingon niadtong Pebrero 22, 2023 nga ang proyekto motadlas sa pipila ka mga lote nga gipanag-iya sa Probinsiya sa Osmeña Blvd., busa ang Kapitolyo nangayo og “just compensation” gikan sa DOTr.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph