Sabong sayon na ipahigayon

File photo
File photo

Mary Antonette Talisay, DNSC intern

APROBADO na sa Konseho ning Siyudad sa Davao ang resolusyon nga nagpakubos sa application period sa sabong gikan sa 30 ka adlaw ngadto sa 15 ka adlaw una kini mahitabo kay ang 30 ka adlaw taas na kaayo alang sa mga aplikante nga magproseso sa ilang permit aron nga makahimo niini.

"An ordinance amending Davao Ordinance No. 5003 series of 1997 otherwise known as a new cockfighting code of Davao city particularly section 3, paragraph 2 thereof," sumala ni Konsehala Jessica M. Bonguyan, chairman sa committee on games and amusement atol sa regular session sa Sangguniang Panlungsod niadtong Abril 18, 2023.

"No permit of special cockfight shall be allowed unless authorized by the Sangguniang Panlungsod through an approved resolution of at least 15 days before the event," dugang pa niya.

Sumala sa representante sa City Treasurer's Office sa Davao nga si Christine S. Alcantara, Local Treasury Operations Officer 1, ang pagpakubos sa ihap sa mga adlaw alang sa permit sa sabong ngadto sa 15 ka adlaw mahimo kaayo tungod sa online platform nga gipatuman sa dakbayan.

"Now online na kasi siya lahat. Once they apply to the business bureau, it passes on to the regulatory offices and kung natapos na lahat sa regulatory offices without the representative going to the respective offices, it is considered to be faster than the usual," butyag ni Alcantara atol sa sesyon.

Gihimo kini sanglit ang operasyon sa sabong gilauman human sa pagsuspende niini tungod sa pandemya, daghan na ang mga aplikasyon niini aron nga mohimo og derby sa Davao.

Tug-an sa Business Bureau, molungtad lang og duha ka adlaw alang sa resolusyon sa Sangguniang Panlungsod (SP) maaprobahan. Human ang duha ka adlaw, mga aplikante modiretso na ngadto sa business bureau aron nga isumite ang aplikasyon online ug iproseso ang mga kinahanglanon nga rekisitos sa departamento ug mga buhatan sa regulatory.

Apan gitin-aw ni Business Bureau Licensing Officer 1 Jake Hamoy nga kon ang aplikante makatuman sa mga gikinahanglan nga rekisitos sa ilang buhatan sa madaling panahon, makapagawas sila og special permit nga maka-operate human ang tulo ka adlaw nga aplikasyon.

Sa pikas bahin, gisuhestiyon ni Konsehala Jessica Bonguyan nga mga operators sa sabong kinahanglan magsumite sa ilang aplikasyon ngadto sa komitiba sa di pa ang gitakdang pagpanabong aron nga hatagan ang komitiba og higayon nga maproseso og maayo ug malikayan ang pagkadelatar.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph