Taliwa sa kainit, kahimtang sa mga piniriso gipabantayan

Taliwa sa kainit, kahimtang sa mga piniriso gipabantayan

Giseguro sa Police Regional Office (PRO 7) nga maayo ang kahimtang sa mga person under police custody (PUPC) kun mga piniriso ning nasinati nga kainit sa panahon.

Matod ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa PRO 7, nga daghan na ang mga PUPC sa mga police station sa Central Visayas tungod sa walay hunong nga anti-criminality operations.

Gumikan niini, hugot ang pakig alayon sa matag police station sa mga Rural Health Unit, Department of Social Welfare and Development ug Commission on Human Rights (CHR) aron mabantayan ang panglawas sa mga binilanggo.

Usa usab sa ilang gitinguha nga ma commit dayon sa Bureau of Jail Management and Penology (BJMP) aron dili na maghuot ang mga piniriso sa mga custodial facility.

“So what we do we coordinate with rural health unit, DSWD, Commission on Human Rights to make sure nga mahatagan sa sakto nga health condition ang atong mga PUPC and of course ma check nato,” matod ni Pelare.

Gimandoan usab ang mga jail personnel sa matag police station nga sila mismo ang mo monitor sa ilang mga PUPC, kon dunay magsakit, ipa isolate dayon aron dili makapanakod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph