Mokabat sa 74 ka mga pamilya sa lungsod sa Argao, Cebu ang nakalabang sa hut-ong sa kakabus aron mahimong self-sufficient pinaagi sa Pantawid Pamilyang Pilipino Program (4Ps) sa gobyerno.
Ang Department of Social Welfare and Development (DSWD) 7 nipahigayon og graduation program niadtong Biyernes, Abril 28, 2023, aron paghatag og award sa mga pamilya nga andam na nga mosugod sa “mas maayong” kinabuhi.
“The graduation was a celebration of success. This means for the betterment of their families,”matod ni Kerwin Macopia, information officer of DSWD 7 sa interview uban sa SunStar Cebu sa Sabado, Abril 29.
Ang 4Ps mao ang nag-unang programa sa gobyerno sa pagpakunhod sa kakabus, nga gitumong alang sa kahimsog, nutrisyon, ug edukasyon sa mga panimalay nga ubos ang kita.
Ang panimalay nga adunay tulo ka mga anak makadawat og P1,400 o kinatibuk-ang P15,000 matag tuig sulod sa lima ka tuig.
Aron makonsiderar nga self-sufficient, ang usa ka 4Ps nga panimalay kinahanglan adunay igong kita sa pagtapos sa gradwasyon nga adunay kapabilidad nga matubag ang ilang inadlaw nga panginahanglan base sa social welfare development indicators sa DSWD.
“Through the program, we are investing human capital. Puhon kining mga bata makahuman og eskwela ug makatrabaho, makatabang sa ilang pamilya,” matod ni Macopia.
Si Argao Mayor Allan Sesaldo nidayeg sa social welfare agency alang sa cash assistance ug development program alang sa mga benepisyaryo sa 4Ps.
“Mapasalamaton pud ang lungsod sa Argao sa mga benepisyaryo sa 4Ps nga naningkamot nga makapahuman sa ilang mga anak pinaagi sa tabang sa programa. Ang 74 nga ni graduate karun kay timaan sa success sa programa,” matod ni Sesaldo sa Biyernes, Abril 28.
Misaad usab ang mayor nga ang Konseho sa Munisipyo motabang sa pagpatunhay sa kaayuhan sa mga gradwado sa 4Ps pinaagi sa nagkalainlaing livelihood assistance ug kahigayunan sa pagpanarbaho sa pakigtambayayong sa ubang mga ahensya sa gobyerno./
Mokabat sa 74 ka mga pamilya sa lungsod sa Argao, Cebu ang nakalabang sa hut-ong sa kakabus aron mahimong self-sufficient pinaagi sa Pantawid Pamilyang Pilipino Program (4Ps) sa gobyerno.
Ang Department of Social Welfare and Development (DSWD) 7 nipahigayon og graduation program niadtong Biyernes, Abril 28, 2023, aron paghatag og award sa mga pamilya nga andam na nga mosugod sa “mas maayong” kinabuhi.
“The graduation was a celebration of success. This means for the betterment of their families,” matod ni Kerwin Macopia, information officer of DSWD 7 sa interview uban sa SunStar Cebu sa Sabado, Abril 29.
Ang 4Ps mao ang nag-unang programa sa gobyerno sa pagpakunhod sa kakabus, nga gitumong alang sa kahimsog, nutrisyon, ug edukasyon sa mga panimalay nga ubos ang kita.
Ang panimalay nga adunay tulo ka mga anak makadawat og P1,400 o kinatibuk-ang P15,000 matag tuig sulod sa lima ka tuig.
Aron makonsiderar nga self-sufficient, ang usa ka 4Ps nga panimalay kinahanglan adunay igong kita sa pagtapos sa gradwasyon nga adunay kapabilidad nga matubag ang ilang inadlaw nga panginahanglan base sa social welfare development indicators sa DSWD.
“Through the program, we are investing human capital. Puhon kining mga bata makahuman og eskwela ug makatrabaho, makatabang sa ilang pamilya,” matod ni Macopia.
Si Argao Mayor Allan Sesaldo nidayeg sa social welfare agency alang sa cash assistance ug development program alang sa mga benepisyaryo sa 4Ps.
“Mapasalamaton pud ang lungsod sa Argao sa mga benepisyaryo sa 4Ps nga naningkamot nga makapahuman sa ilang mga anak pinaagi sa tabang sa programa. Ang 74 nga ni graduate karun kay timaan sa success sa programa,” matod ni Sesaldo sa Biyernes, Abril 28.
Misaad usab ang mayor nga ang Konseho sa Munisipyo motabang sa pagpatunhay sa kaayuhan sa mga gradwado sa 4Ps pinaagi sa nagkalainlaing livelihood assistance ug kahigayunan sa pagpanarbaho sa pakigtambayayong sa ubang mga ahensya sa gobyerno.