Ang brownout sa Ninoy Aquino International Airport (NAIA) Terminal 3 niadtong Mayo 1, 2023 lagmit tungod sa pagsabotahe, matod ni Transportation Secretary Jaime Bautista sa Martes, Mayo 2, 2023, kay kini nahitabo atol sa long weekend.
Sa usa ka pakighinabi sa telebisyon, si Bautista miingon nga adunay mga pangangkon nga ang insidente, nga hinungdan sa dakong pagkabalda sa pagbiyahe sa kahanginan, nga nakaapekto sa 9,000 ka mga pasahero gikan sa labing menos 24 ka mga biyahe, dili regular fault nga misulod sa sistema sa Terminal 3.
Siya niingon nga wala nila isalikway ang posibilidad nga “somebody do it to embarrass the government or to prove they have something that we should give in to.” (usa ka tawo nagbuhat niini aron pakaulawan ang gobiyerno o aron pamatud-an nga sila adunay usa ka butang nga kinahanglang atong ihatag.”
Matod ni Bautista nga usa ka hiniusang komite nga gilangkuban sa Department of Transportation, Office of Transport Security, Manila International Airport Authority (MIAA), ug National Intelligence Coordinating Agency (Nica) ang ubanan sa National Bureau of Investigation (NBI) ug Philippine National Police (PNP) aron mohimo og imbestigasyon sa maong insidente.
Ang pagkawala sa kuryente niadtong Mayo 1 nahitabo upat ka bulan human sa Bag-ong Tuig nga air-traffic glitch nga nakabalda sa dinosenang mga biyahe, nga nakaapekto sa liboan ka mga pasahero paingon ug gikan sa Manila.
Matod ni Bautista nga daghang mga anggulo ang gikonsiderar sa Nica sukad niadtong Lunes, Mayo 1, apan nagdumili siya paghatag og dugang mga detalye aron dili ma-preempt ang nagpadayon nga imbestigasyon.
Nakig-estorya usab ang DOTr sa Meralco aron malikayan ang susamang insidente sa main gateway sa nasod.
Sa sayo pa, ang Meralco niingon nga ang pagkapalong sa kuryente tungod sa faulty wiring o short circuit nga miresulta sa pagsaka sa power current ug fault indicator.
Si Bautista nimando usab sa pagpahigayon og full electrical audit sa tanang NAIA terminals aron malikayan ang umaabot nga power interruptions nga makahatag og kahasol sa publiko. (TPM sa SunStar Philippines)