4 ka kanhi mga opisyal sa PDEG hayan ma-dismiss

Photo from PNP
Photo from PNP

Upat ka mga kanhi opisyal sa Police Drug Enforcement Group (PDEG) ipaubos sa “pre-charge investigation” sa National Police Commission (Napolcom) tungod sa giingong kalambigitan nila sa illegal drug trade.

Si Interior and Local Government Secretary Benhur Abalos Jr. niingon sa usa ka press conference sa Lunes, Mayo 8, 2023, nga ang pre-charge nga imbestigasyon magdeterminar kon adunay “probable cause” nga pasakaan og kasong administratiba ang mga opisyal — duha ka heneral ug duha ka koronel.

Ang pagsang-at og kasong administratiba batok sa upat ka mga opisyal una nang girekomendar sa advisory council nga nisusi sa kalambigitan sa Philippine National Police (PNP) third level officers — gikan sa colonel ngadto sa general — sa illegal drug trade.

Ang upat ka mga opisyal, sumala ni PNP Chief Benjamin Acorda, sa pagkakaron anaa sa “floating status,” nga nagpasabot nga wala sila’y bisan unsang importanteng posisyon sa organisasyon.

Matod ni Abalos nga girekomendar usab sa konseho ang pagdawat sa courtesy resignation nga gisang-at sa upat ka mga opisyal, dili pagdawat sa resignation sa 917 ka mga opisyal, ug dugang imbestigasyon sa 32 ka mga dagkong opisyal.

“For clarity, acceptance of resignation is without prejudice to any administrative cases against these officers, and will not release them from any liability,” matod ni Abalos, nitataw nga si Presidente Ferdinand “Bongbong” Marcos Jr. nideklarar na nga siya nidawat sa courtesy resignation sa duha ka mga heneral.

(Alang sa katin-awan, ang pagdawat sa resignation walay pagpihig sa bisan unsang mga administratibong kaso batok niini nga mga opisyal, ug dili kini sila makabuhi sa bisan unsang tulubagon.)

Matod niya nga nagpaabot pa sila sa opisyal nga komunikasyon gikan sa Presidente bahin sa maong butang.

“Well, there is a resignation. Whether or not tanggapin mo ang resignation, nag-resign ka eh, tinanggap. We want to make sure na this is without prejudice sa kasong isasampa namin sa iyo para ‘yung benepisyo mo naman huwag mo na makuha,” siya nidugang.

Matod ni Abalos nga ang konseho nipresentar og lig-on nga mga ebidensiya batok sa upat ka dagkong mga opisyal.

Matod niya nga ang mga kasong administratiba, partikular na ang grave misconduct ug grave neglect of duty, nga posibleng ipasaka batok sa maong mga opisyal, atimanon sa Napolcom sanglit ang PNP direkta nga ubos sa pagdumala ug pagkontrol niini.

Ang mga silot alang niini nga mga kalapasan mao ang pagkatangtang sa serbisyo, pagkawala sa mga benepisyo, ug perpetual disqualification gikan sa bisan unsang pampublikong opisina.

Matod ni Abalos nga ilang nganlan ang mga opisyal human sa mga duha ngadto sa tulo ka semana, subay sa pagpahigayon sa pre-charge investigation ug sa higayon nga mapasakaan na sila og kasong administratiba.

Sa ilang posibleng criminal liability, si Abalos niingon nga atimanon kini sa Deputy Ombudsman for Military and Other Law Enforcement Offices (MOLEO) pinaagi sa rekomendasyon sa Napolcom.

Matod ni Acorda nga malaumon sila nga ang mga kalambuan sa kaso, nga nagtumong sa pagtangtang sa buluyagon nga mga polis gikan sa PNP makatabang sa paglimpyo sa imahe sa organisasyon.

“We will welcome it and it’s all part, a bitter truth but it’s all part of internal cleansing and I do believe after all these things, we will come up with a better police force,” matod niya. (Atong dawaton kini ug kining tanan kabahin sa usa ka mapait nga kamatuoran apan kining tanan kabahin sa internal nga paghinlo ug ako nagtuo nga pagkahuman niining tanan nga mga butang, kita adunay mas maayong pwersa sa kapulisan).

Ang panawagan nga gihimo ni Abalos, uban ang pagtugot ni Marcos, alang sa hingpit nga mga koronel ug heneral sa pag-file sa ilang courtesy resignation, nagagumikan sa pagkasikop ni Police Master Sergeant Rodolfo Mayo Jr. tungod sa shabu nga nagkantidad og P6.7 bilyunes, ang labing dakong nasakmit nga drugas sa kasaysayan sa Pilipinas.

Atol sa operasyon, ubay-ubay nga mga polis ang nasakpan sa closed-circuit television nga nadala og mga bagahe nga gituohang dunay sulod nga shabu. Nauli ang mga kinawat nga shabu tulo ka adlaw human sa operasyon.

Niadtong Abril, nanawagan si Abalos sa 10 ka mga polis, kasagaran mga sakop sa PDEG, apil na ang direktor niini niadtong panahona nga si Brigadier General Narciso Domingo, nga mo-file sa ilang leave of absences kay gipasanginlan nga dunay pagsulay nga pagtabon sa operasyon. (TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph