Gikan sa tulo ngadto sa lima ka adlaw nga pagproseso sa business permit para sa bag-ong aplikasyon o renewal, mahimo kini sa usa ka adlaw na lang sa dakbayan sa Lapu-Lapu, matod ni Mayor Junard ‘Ahong’ Chan sa Lunes, Mayo 15, 2023.
Iya kining gipasigarbo human ang Dakbayan sa Lapu-Lapu usa sa duha ka local government units (LGUs) sa nasod nga bag-o lang giila sa Anti-Red Tape Authority (ARTA) tungod sa paglihok ug epektibo nga electronic Business One-Stop Shop (eBOSS), nga gitumong sa pagpahapsay ug pagpayano sa proseso sa pagkuha og permit ug lisensya pinaagi sa mga online platform.
Ang pag-ila niabot human gi-verify sa Compliance Monitoring and Evaluation Office (CMEO) ug ARTA Regional Field Office - Eastern Visayas ang pagsunod sa Lapu-Lapu City sa pag-apil sa eBOSS ngadto sa sistema sa City Governments.
Personal nga gihatag ni ARTA Director General Ernesto Perez ang certificate of commendation kang Chan niadtong Biyernes, Mayo 12.
e-BOSS
Ang pag-aplay og business permit sa Dakbayan sa Lapu-Lapu kasagaran mokabat og tunga sa semana aron maproseso tungod kay ang mga tag-iya sa negosyo kinahanglang mo-secure una sa barangay business clearance sa ilang tagsa-tagsa ka barangay, si Chan niingon sa SunStar Cebu pinaagi sa text message.
Apan sa eBOSS mahimo silang makakuha sa ilang mga permiso sa tunga sa adlaw hangtod usa ka adlaw, ingon ni Chan, ug magdepende lamang kini sa kalig-on sa koneksyon sa internet.
“But with the eBOSS they can have their permits in half a day to one day,” matod ni Chan, apan mag-agad kini sa kakusog sa koneksyon sa internet.
“The setting up of e-BOSS has further made it easy for the businessmen to apply business permits at the comforts of their homes or offices and in compliance with ARTA and Ease of Doing business [Act], the City of Lapu-Lapu aims to provide ease to our business taxpayers in their conduct of business in the city,” dugang ni Chan. (Ang pagpahimutang sa e-BOSS labing nakapasayon sa mga negusyante sa pag-apply sa mga business permit sa kaharuhay sa ilang mga balay o opisina ug sa pagsunod sa ARTA ug Ease of Doing Business [Act], ang Dakbayan sa Lapu-Lapu nagtumong sa paghatag og kasayon sa atong mga business taxpayers sa ilang pagpahigayon og negosyo sa siyudad,” dugang ni Chan.
Nagsugod ang digital nga kausaban kaniadtong Hulyo 2021 uban ang mga serbisyo sa online nga magamit nianang higayuna alang sa aplikasyon ug pagbayad (step 1 & 2) nga mahimo ra ma-access sa usa ka link sa web.
“It wasn’t full automation yet [and] it was only this year (2023) that full automation was launched in which the taxpayer can apply, pay and print permits online,” matod ni Chan. (Dili pa kini bug-os nga automation [ug] karong tuiga (2023) nga ang hingpit nga automation gilunsad diin ang magbubuhis mahimong mag-aplay, magbayad ug mag-imprinta og mga permiso online.) (EHP)