DICT mipahimangno sa bag-ong paagi sa text scam

(Pixabay Photo)
(Pixabay Photo)

Gipahimangnoan ni Department of Information and Communications Technology (DICT) Secretary Ivan John Uy ang publiko kaniadtong Martes, Mayo 16, 2023 bahin sa “re-program” nga pamaagi sa mga scammer sa text aron makuha ang ilang personal nga impormasyon.

Sa usa ka press conference, si Uy niingon nga ang mga text scammer naggamit na karon sa SIM Registration Law aron malimbungan ang ilang mga biktima.

“So, dumami na naman iyong mga text scams but most of them now have redirected or re-program their approach, panloloko nila asking people ‘nag register na ba kayo ng SIM card ninyo kung hindi pa click this link and you go to their site, which is a fake site,” matod niya. (Busa, daghan na man ang mga text scam apan kadaghanan kanila karon nag-redirect o nag-re-program sa ilang pamaagi, nangilad sila pinaagi sa pagpangutana sa mga tawo nga ‘nagparehistro na ba kamo sa SIM card. Kon wala pa, i-klik kini nga link ug moadto ka sa ilang site, nga usa ka peke nga site).

“They also have exploited in respect to e-wallets na for purportedly you will receive a text coming from e-wallet provider na ‘O, kung nag-reregister na kayo ng SIM card kailangang mag re-register kayo sa e-wallet ninyo in order to be able to activate it’,” dugang ni Uy. (Ila usab nga gipahimuslan ang bahin sa mga e-wallet kay kuno makadawat ka og text gikan sa e-wallet provider nga ‘O, kon nag-reregister ka sa SIM card, kinahanglan mag re-register ka sa e-wallet nimo aron ma-activate ni.)

Matod ni Uy nga nanghinaot sila nga ang mga subscriber magparehistro sa ilang SIM card aron mabatukan kining mga matang sa ilegal nga kalihukan nga magbutang sa peligro sa seguridad sa publiko.

Gitataw hinuon sa kalihim nga wala nay laing extension sa SIM registration nga mahuman sa Hulyo 26.

Lapas sa Hulyo 26, ang dili rehistrado nga mga SIM card awtomatik nga ma-deactivate.

Sa Mayo 9, ang National Telecommunications Commission (NTC) niingon nga gikan sa 168,016,400 ka kinatibuk-ang ihap sa mga subscribers sa nasod hangtod sa Disyembre 2022, 95,158,637 o 56.64 porsyento na ang nakarehistro.

Hinuon niingon si Uy nga ilang gi-target ang 100 milyunes nga rehistrasyon. (TPM sa SunStar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph