Usa ka grandeng music festival ang mahitabo karong summer nga gitawag og Southside Rhythm Fest nga pasiugdahan sa Ubecside Entertainment Production.
Ang powerpacked concert for a cause ipahigayon karong Mayo 27, Sabado, sa City Di Mare Events Ground, South Road Properties nga magsugod ala 1 sa hapon hangtod na sa tungang gabii.
“This is the same venue where the Sinulog 2023 was first held. So, this will be the second event to be held there and the first ever grandest summer music festival to hit the Queen City of the South. This will feature not only iconic OPM bands in Manila but also top local bands in Cebu,” matod sa event organizer nga si Jon Dave Lepatan atol sa ilang media conference niadtong Lunes sa 1Nito Tower.
Ang Parokya ni Edgar ug Sponge Cola maoy main act sa Southside Rhythm Fest samtang ang local bands naglakip sa Aggressive Audio, Scramble Egg, The Ambassadors, Indephums, Kantin Dudg ug Inchi Band sa Dumaguete nga nisikat sa ilang reggae nga “Bisaya.”
“For your convenience, there will be free buses to be deployed in Mandaue, Cebu Port Authority, Talisay and other key areas in the city that will transport you to the venue,” dugang ni Lepatan.
“We want Cebuanos to experience a more lively summer through this spectacle,” dugang usab ni Michael Cuatro nga co-organizer sa event.
Ang Parokya ni Edgar ug Sponge Cola katapusang nag-concert sa Cebu wala pay pandemic mao nga daghan gyud ang nagpanikad na sa ilang pagbalik.
Pipila sa iconic hits sa Parokya ni Edgar ang “Harana,” “Buloy,” “Bagsakan,” ug “Mr. Suave.” Samtang sa Sponge Cola ang “Tuliro,” “Jeepney” ug “Bitiw.”
Gipaabot nga mokabat sa 5,000 to 10,000 ang crowd sa maong event. Apan gipaniguro ni Safety and Security Head Raymund Francis Tentativa nga andam sila sa maong gidaghanon.
Sa laing bahin, nisaad si Ms. Francine Ludo sa “Angkas” nga mohatag sila og dakong diskwento sa mga pasahero isip usa sa mga official transport partner.
Lakip usab sa nanambong sa mediacon ang mga opisyal sa Cebu City Sta. Rita de Cascia Women and Children‘s Center, Philippine Councilors League ug Rotary-End Polio Now Project nga maoy beneficiaries sa maong concert.
“All tickets sold are standing and are priced at P400 (Gen. Ad), P850 (silver), P1,590 (gold), P2,120 (VIP) and P2,650 (SVIP) which are available in all SM ticket outlets. There will be raffle draw with handsome prizes and giveaways during the show.”
Ang gate buksan ala una sa hapon kauban live si DJ Skye on the mix.