Gikompirmar sa Kagamhanan sa Dakbayan sa Danao nga ang nakubkoban nga karaan nga railway track kun relis sa tren sa Bibiana Mercado Integrated School sa Brgy. Looc, dakbayan sa Danao di tipik sa Old Cebu Railway.

Gipahibawo sa lokal nga kagamhanan nga subay sa gihimong pagsusi ug konsultasyon sa mga eksperto gikan sa University of San Carlos (USC), nasuta sa partial results sa Cultural Heritage Mapping nga kini dili diay sumpay sa main railway route, apan kadugtong sa coal wagons paingon sa main track sa mga minahan sa coal sa mga bukirang lugar sa dakbayan sa Danao.

Ang relis importante sa karaang panahon gumikan kay maoy moabag sa pag transport sa mga coal nga maoy primerong gamitunon isip source of fuel aron modagan ang mga bagon.

Nagtuo ang Kagamhanan sa Dakbayan nga kini nagpamatuod nga bisan pa kaniadto, abunda na sa coal resources ang siyudad. Mapamatud-an kini sa official seal sa Siyudad nga nag feature sa “coal mining”.

“This fact is evident in the city’s official seal, which prominently features ‘coal mining’ as a testament to its rich coal heritage,” butyag sa LGU sa post sa Mayo 18, 2023.