Pacquiao gibuntog ni Bata, 9-4

Sama sa gilauman, gibuntog ni Filipino billiards legend Efren “Bata” Reyes si boxing legend Manny Pacquiao, 9-4, sa usa ka exhibition 10-ball match nga giulohan og “The Legends: Manny Pacquiao and Efren Reyes Exhibition Game” nga gipahigayon ning bag-uhay lang sa Makati City.

Hinuon taliwala sa iyang kapildihan, napakita sa Pambansang Kamao ng Pilipinas nga aduna sab siya’y ikabuga sa billiards, usa sa gikahiligan niyang mga natad sa paugnat sa kusog.

Human sa 7th rack, nabiyaan na ni Reyes si Pacquiao.

Pero nakahudlat pa ang kanhi 8-division world champion dihang nakasikit siya human sa 9th rack, 5-4.

Apan ning higayuna, nirehistro og upat ka sunodsunod nga kadaugan si Reyes aron humanon ang dinumbolay.

Nanghinaot si Reyes nga ang ilang exhibition game ni Pacquiao makabuhi og balik sa pagkamahiligon sa mga Pinoy sa billiards.

Kining maong taho napatik sa www.abs-cbnnews.com. (ESL)