Nagkalainlaing partido politikal ningsubli sa ilang suporta alang kang House Speaker Martin Romualdez taliwala sa gikatahong mga paningkamot sa pagpalagpot kaniya sa pwesto.
Sa usa ka pamahayag, si Lakas-Christian Muslim Democrats (Lakas-CMD) co-chairman Senador Ramon “Bong Revilla Jr. niingon nga padayon sila nga nagkahiusa ug nagsuporta sa liderato ni Presidente Ferdinand Marcos Jr. ug Romualdez, kinsa ilang presidente sa partido.
“Our decades-long solidarity has witnessed and endured many trials which only strengthened our bond that is founded on our shared passion to serve our nation. Through the darkest of storms and greatest of tribulations, we have proven time and again that our unity will never be torn down,” matod ni Revilla sa pamahayag sa Biyernes, Mayo 19, 2023.
“Pinagtibay at pinagbigkis ang samahang ito ng pagsasama at pag-uunawaang hinubog at pinanday ng panahon. Sinubok pero hindi nawasak, bagkus ay palakas pa ng palakas,” dason niya.
Ang partido adunay 71 ka mga miyembro sa House, lakip na si kanhi Presidente karon Pampanga Second District Representative Gloria Macapagal-Arroyo, kinsa gipaubos gikan sa pagka-senior deputy speaker sa House of Representatives ngadto sa usa ka deputy speaker lamang uban sa laing pito ka mga kongresista.
Si Arroyo gipulihan ni PDP-Laban national treasurer Pampanga Third District Representative Aurelio Dong Gonzales Jr.
Gipanghimakak ni Arroyo nga nagplano siya og kudeta aron palagputon si Romualdez, nga nagkanayon nga wa na siyay interes sa maong puwesto.
Subay sa pamahayag ni Revilla, gianunsyo ni Bise Presidente Sara Duterte-Carpio ang iyang “irrevocable” resignation isip chairperson sa Laban-CMD.
Sa usa ka pamahayag, ang nasudnong presidente sa PDP-Laban, si Palawan Representative Jose Alvarez, niingon nga sila “nagpabilin ang lig-on nga pasalig” sa supermajority nga giumol ni Romualdez sa ubos nga chamber “isip kabahin sa atong padayon nga mga paningkamot sa pagtabang sa paghimo sa mga reporma nga gikinahanglan sa pagduso sa nasod ngadto sa mas taas nga level.”
Gidayeg niya ang pagkapili ni Gonzales sa ikaduhang labing taas nga posisyon sa Kamara “isip pag-ila sa mahinungdanon nga kontribusyon sa atong mga kauban sa partido.”
Si Ronaldo Puno, tsirman sa National Unity Party, mipamatuod usab sa suporta sa supermajority coalition aron “tabangan si Marcos nga makab-ot ang iyang panglantaw sa kalinaw ug kauswagan alang sa nasod,” nga nagkutlo sa pag-uswag sa House, ilabi na sa pagpasar sa mahinungdanong mga lakang sa reporma.
Ang National People’s Coalition nga gipangulohan ni kanhi Senate President Tito Sotto ug sa Nacionalista Party ni kanhi Senate president Manny ug Senador Cynthia Villar parehas og baruganan.
Hinuon, nagdumili si Marcos sa pagkomento bahin niini.
“I won’t make any comments about the speakership as of yet,” matod niya atol sa pamahayag sa League of Provinces of the Philippines 4th General Assembly. (SunStar Philippines)