Usa ka daog nalang ang kinahanglan sa Denver Nuggets aron moabante ug mokulit og team history alang sa ilang pinakauna nga finals appearance sulod sa 47 ka tuig sa National Basketball Association (NBA).
Nagkaduol ang tinguha sa Nuggets human nila gipanglampornas ang Los Angeles Lakers, 119-108, sa Game 3 didto mismo sa balwarte sa Lakers aron labnihon ang 3-0 series lead sa Western Conference Finals kagahapon.
Si Jamal Murray mibagnos og 37 puntos samtang ang iyang partner nga si Nikola Jokic mibirada og 24 puntos ubanan sa walo ka assists.
Ang maong daog mas mipadako sa tsansa sa Nuggets kay basi sa statistics sa NBA, wala pay team nga nakabalik ug midaog sa series gikan sa 0-3 nga pagkalubong.
Sa ika-149 ka higayon nga playoff series, ang team nga mikuha sa unang tulo ka duwa sa seven-game series moratsada gyud padung ngadto sa pagdaog sa series.
Ang Denver forward nga si Kentavious Caldwell-Pope mitabang og kastigo sa iyang former team nga Lakers sa iyang 17 puntos, 12 niini giiskor sa second half.
“I learn a lot about this team every time we play,” matod ni Caldwell-Pope . “We have that dog mentality where no matter if we’re up, down, we’re going to continue to fight and play our game, and do it at a high level. We’re going to continue to do that for the rest of these games.”
Nawala ang 14 puntos nga labaw sa Nuggets apan nakahimo kini og makabungog nga 13-0 run sa fourth quarter aron ihagba ang Lakers og tapuson ang nine-game win streak sa ilang balwarte.
“This group is capable of doing great things, and they believe,” batbat ni coach Michael Malone. “Belief is a very powerful thing.”
Ang Game 4 duwaon didto gihapon sa Los Angeles karong Martes.
“I can’t speak for the guys right now because I don’t know what’s going through all their minds, but I still (believe),” matod ni LeBron James, nga galaom gihapon nga adunay milagro.
“So it’s time to go right back home and start to refuel and start the treatment process and recovery process and get ready for Monday. My mindset is always locked in,” dugang sa 38-anyos nga beterano.
Si Anthony Davis mihimo og 28 puntos ug 18 rebounds alang sa pilderong Lakers.
“They’ve been at the top of the food chain for a reason, and have a plethora of guys that can hurt you, as was on full display tonight,” matod ni Lakers coach Darvin Ham. “But you know, circumstances are what they are. Difficult, but not impossible.”
Ang role players sa Denver maayo pud ang gipakita sama ni Bruce Brown nga adunay 15 puntos lakip na ang crucial three-pointers niini sa fourth quarter.
Si D’Angelo Russell namugnaw ra gihapon ang mga kamot kay igo lang kini nakabuhat og 1-of-8 shooting sulod sa 20 minutos. (RSC)