DepEd: Magpa-enrol og sayo

(Hulagway iya ni Ramcez Villegas)
(Hulagway iya ni Ramcez Villegas)

GIAWHAG sa Department of Education Davao Region (DepEd-Davao) ang mga ginikanan nga magpa-enrol sa ilang mga anak og sayo kung mahimo alang sa School year 2023-2024 aron malikayan ang pagdasok atol sa panahon sa regular enrollment.

“Kasagaran batasan sa mga Pinoy kay diha pa sila magpa-enroll kung katapusan na, diha pa magproseso, and will not avail the latitude provided kay didto ra sila sa katapusan nga adlaw,” tataw ni DepEd-Davao spokesperson Jenielito "Dodong" Atillo atol sa paghinabi kaniya sa telepono uban sa SunStar Davao, Mayo 22, 2023.

“So if that is the situation again then that will be the problem kay magguot sila didto sa eskuwelahan,” dugang ni Atillo.

Gisulti ni Atillo nga sukad gisugdan nila ang ilang kampanya sa sayong enrollment niadtong Mayo 10, gitaho nga duna nay 138,976 enrollees sa tibuok rehiyon sukad Mayo 22, 2023 sa alas 2:00 sa hapon.

“We’re already on the 12th day of our campaign. In the kindergarten, we already have registered 27,606 kindergartners, in Grade 1 nato naa na tay (we have) 56,469, grade 7 29,885, and in Grade 11 nato naa tay (we have) 25,016,” tug-an niya.

“We are still in our 12th day, so we’re saying that this is a very good number. Ang response is ma-consider nako na basic from our parents,” puno pa niya.

Samtang gipahimangnoan ni Atillo ang mga ginikanan nga hatagan og panahon ang enrollment sa ilang mga anak.

“Those wala pa makaparehistro, to give time for this. At least dili na sila magkaproblema unya during the time na magkaduol na ang klase,” awhag niini.

Ang sayong enrollment matapos sa Hunyo 9, 2023.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph