Barili mihatag og 48 oras tagal sa pagwala sa langaw sa poultry

POULTRY FARM: Bisan ang net sa poultry farm sa Barangay Tubod, lungsod sa Barili puno gihapon sa langaw sa pagsusi sa mga opisyal sa lokal nga kagamhanan. / Tampo nga hulagway
POULTRY FARM: Bisan ang net sa poultry farm sa Barangay Tubod, lungsod sa Barili puno gihapon sa langaw sa pagsusi sa mga opisyal sa lokal nga kagamhanan. / Tampo nga hulagway

Gihatagan og 48 ka oras ni Barili Mayor John-John Garcia IV ang tag-iya sa poultry farm sa Barangay Tubod sa pagsulbad sa pagdagsa sa mga langaw sa komunidad sa maong lungsod.

Ang tagal motapos karong hapon sa Mayo 25, 2023.

Si Garcia nipasusi sa municipal agriculturist, veterinarian, sanitary inspectors, kapulisan ug representante sa Municipal Environment and Natural Resources Office (Menro) sa tinubdan sa mga langaw sa lugar.

Nasuta nga ang pagdagsa sa langaw gumikan sa di maayong maintenance sa tag-iya sa poultry farm.

“The team discovered that the fly infestation was a direct consequence of the farm’s inadequate maintenance and mismanagement,” saysay sa LGU sa Barili.

Ang maong farm adunay gibutang nga mga protective net nga anaa natungod sa mga exhaust fan nga nagbugwak sa baho ngadto sa lugar.

“The surrounding net was torned and riddled with multiple holes, while the exhaust fan emitted a foul smell due to its damaged protective net,” dugang niini.

Gipahibaw sa mga inspector nga risgo ug posibleng makamugna og health issues sa mga residente ang pagdagsa sa mga langaw sa dapit.

Matod sa LGU nga nipadala na og pormal nga suwat ang mayor ngadto sa tag-iya ug nadawat niini ang suwat sa Martes, Mayo 23.

“Considering the letter was received last Tuesday, the owner is expected to implement the necessary measures by Thursday afternoon,” matod sa LGU.

Subay niini, nanawagan usab ang mayor sa mga residente ug publiko nga likayan ang ‘bashing’ sa social media.

“Giawhag namo ang tanan nga maglikay sa pag-atake o pag-post parte sa farm. Sila, sama nato, nagapangandam sab aron matuman ang ilang responsibilidad sa Barili,” matod ni Garcia.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph