Dear Papa Joe,

Tawga lang ko og Lorie, 26 years old, usa ka OFW. Sa Cebu aduna koy karelasyon for 8 years.

Maayo man siya nga karelasyon kay pinangga kaayo ko niya ug siya gyud akong unang uyab niadtong 18 pa ko.

Wa gyud baya koy ikasaway ani niya. Nagtrabaho ni siya sa Mepza.

Karon nga naa na ko sa gawas, duna koy lahi nga experience nga karon lang nako nasuwayan nga libre ko.

Samot na akong parents sige og ingon nga hayahay kuno akong uyab kon kami magkadayon kay sa akong mapundar siya ang mabulahan kay ako ray gakugi.

Hangtod niabot ang panahon nga nakigbuwag ko niya.

Naluoy ko niya pero oras na sad nga tagaan nako akong self og time nga mabalanse nako ang tanan.

Naguol siya pero gatan-aw ko sa kong future.

Sakto ba ko sa akong desisyon?

LORIE

Lorie,

Imong desisyon, imo na. Sayop man sa panan-aw sa uban pero kon imong barugan, way makabuot nimo.

Pero di sad maayo nga basihan lang nimo nga tungod kay ing-ana ra siguro ang trabaho sa imong kanhi, wa na lang sad moy ugma.

Naa gani diha mga datu pa pero ilang relasyon wa ugmai.

Naa na man na, nakadesisyon na ka, just let time heal.

Di sad nimo mabasol imong ginikanan, di sa ingon mata pobre, basin galantaw lang sila sa imong kaugamaon sad.

PAPA JOE

( sa inyong tampo ipadala lang sa papajoesuperb@gmail.com)