Dear Noy Kulas,

Maayong adlaw diha nimo, Noy, ug sa imong readers. I-hide lang ko sa name nga Minda, single mother ko.

Ang akong anak 12 years old na but wa makakita ug makaila sa iyang amahan sukad sa iyang pagkabata kay naminyo og laing babaye. Actually kami ang unang uyab but naka meet siya og laing babaye nga mas gusto sa iyang parents. Ang akong ex-BF may pagka mama’s boy ug mao ang midaug ug gikasal sila.

But wa ko kahibawo nga mabdos na diay ko dihang nagbuwag mi kay kaslon na sila. Nanglarga sila sa abroad ug didto na namuyo kay ang family sa babaye didto man. Naproblema ko karon kay ni contact nako ang akong ex kay gusto siya nga makaila niya ang among anak ug ready siya mo support. Wa diay sila nakaanak sa iyang misis.

Ang akong parents ug mga igsuon against kaayo but ako, okay ra man unta nako. Noy, nag worry sab ko sa reaction sa akong anak. Unsa kahay mahitabo kon makahibawo ug makakita sa iyang father? Tambagi ko. Daghang salamat.

MINDA

Minda,

Sagad sa mga anak mangita sa ilang sinugdanan bisan kon duna pa ni support nga hugot sa iyang pamilya, labina sa inahan. Mao nang alang nako, mas maayong di nimo ihikaw ang pagpaila niya sa iyang amahan kay katungod na nilang duha bisan kon ang imong ex wa mohatag og suporta sukad sa bata pa siya. Naa ra sa imong anak kon iyang i-welcome ang iyang amahan. Butangi lang sab og mga kondisyon ang iyang pagpaila kay basin more than pa ang iyang tinguha, kuhaon pa hinuon unya ang inyong anak niya ug dad-on sa America.

Magpaila lang siya sa bata but klaroha lang nga di siya magtinguha sa pagkuha sa inyong anak kay I know nga sakit kaayo na kon iya nang buhaton bisan kon di pa mokuyog ang inyong anak niya. It is the action ang makainsulto og maayo, maora ba’g samad nga gisamaran og balik unya gibutangan pa og asin. Kon masuko ang imong pamilya nga magpaila siya, samot nang masuko sila kon iya ning buhaton. Duna sab silay katungod masuko kay sila nisuporta nimo dihang naa ka sa lowest moment sa imong kinabuhi.

Pasabta una og maayo ang imong pamilya una ka mosulti sa imong anak. Tug-ani usab siya sa tanang mga hitabo aron mas makasabot siya sa sitwasyon.

NOY KULAS

rojval69@yahoo.com