Moabot og 69 porsyento sa mga hamtong nga Pilipino sa nasod “naglisod” nga makakuha og trabaho ning mga adlawa, nagpakita ang resulta sa survey sa Social Weather Stations (SWS) nga gihimo niadtong Marso 2023.

Ang survey, nga gihimo gikan sa Marso 26 hangtod 29 ug gipagawas sa Huwebes, Mayo 25, 2023, nagpadayag usab nga 11 porsyento sa mga respondent nag-ingon nga “sayon” ang pagpangita og trabaho karong mga panahona, 16 porsyento ang nag-ingon nga “dili” sayon o lisod, ug upat ka porsyento ang niingon nga “wala sila kahibalo.”

Ang SWS niingon usab nga ang pagpangita og trabaho kanunay nga lisud sukad pa sa panahon ni kanhi Presidente Benigno Aquino niadtong 2011.

Ang pagkamalaumon nga dunay trabaho, bisan pa, nagpabilin nga kasarangan; nga adunay 50 porsyento sa mga Pilipino nga nagtuo nga adunay daghang trabaho sa sunod nga 12 ka bulan, samtang 26 porsyento ang nagtuo nga wala’y kausaban sa gidaghanon sa mga bakanteng trabaho.

Labing menos 10 porsyento sa mga respondent usab nag-ingon nga adunay gamay nga trabaho sa sunod nga 12 ka bulan, samtang 14 porsyento ang nag-ingon nga “wala sila kahibalo” kon ang bakanteng mga trabaho motaas o dili.

Sumala sa SWS nga mas malaumon ang mga Pilipino bahin sa kahimtang sa trabaho sukad pa niadtong 2009, gawas sa panahon sa kataas sa coronavirus disease (Covid-19) pandemic.

Ang survey gihimo pinaagi sa face-to-face nga mga interbyu ug naglambigit sa 1,200 ka hamtong nga mga Pilipino, o kadtong nag-edad og 19 anyos pataas sa tibuok nasod. (LMY)