GIAWHAG ni kanhi presidente Rodrigo Duterte ang mga opisyal sa city hall ning siyudad sa Davao nga dalion ang pagproseso sa mga permits kay moabot pa kini og pipila ka bulan una mahuman.
“Ang city hall... parang bumabalik sila sa old practice ... [nowadays, a city hall] permit takes months to process,” Duterte said in a speech, May 25.
Gisulti ni Duterte nga ang iyang komento nagbase sa iyang namatikdan ug unsay gisulti sa mga tawo ngadto kaniya.
Iya sab nga gidapit ang pagtagad ni Konsehal ug kanhi bise mayor Bernard Al-ag, kinsa atua atol sa pagpamulong ni Duterte, nga ipahibawo sa mga nangulo sa mga buhatan sama sa Business Bureau ug City Engineering Office nga paspasan ang pagproseso sa gikinahanglan nga mga permits.
“Sana on your level, you may give a privilege speech or call, tawagan mo yang mga [...] heads of offices, permit, engineering,” awhag ni Duterte.
“Tanungin mo in public, that would be a better way of doing it, ‘Bakit matagal kayo magtrabaho. Are you in for the money? Or tell us [councilors], because we will change it’,” hagit sa kanhi presidente.
Ang kanhi mayor nagsulti sab kung ang gikinahanglan nga mga dokumento o permits magpabilin sa buhatan sulod sa kapin tulo ka adlaw, “corruption will start” nianang higayona.
“Ako three days noon, five days kung hindi mo pa matapos, the head office will issue the permit and will have to write me a letter explaining why it took him more than 3 days to finish the job,” pahinumdom ni Duterte.
Sayo niini nga taho, gikanayon sa Business Bureau nga nagbalhin sila ngadto sa digital sa tanan nilang transaksiyon, ug nag-awhag sa mga patigayon nga pahimuslan ang online renewals sa ilang mga business permits.
"We are available online for our business permit application and issuance. The client can apply and have the business permit printed at their own convenience," matud ni Business Bureau’s Business Permits and Licensing Division officer-in-charge Maribel Paguican.
Sayo sab niining tuiga, ang digitalization project “Project Bilis” tali sa City Government of Davao ug sa power utility Davao Light and Power Company (Davao Light) gilusad, nga nagtumong sa pagpasayon sa transaksiyon.
Gidesinyo ang proyekto nga naglakip sa Business Permit and Licensing System (BPLS), pagbayad sa real property taxes, building permits, ug online payment system sa lokal nga kagamhanan sa siyudad. (ICE)