SOBRA ang kabalaka sa Coalition Against Privatization of Electric Cooperatives (Capecs) sa giingong "harassment" nga nasinati karong bag-o sa mga sakop niini.
Nagsugod ang insidente sa giingong "harassment" usa ka adlaw human ang mga miyembro sa Coalition naghiusa sa pag-subscribe sa ilang affidavit of complaint sa Office of City Prosecutor sa Tagum City, Davao del Norte niadtong Abril 28, 2023.
Niadtong Mayo 2, 2023, ang mga Capecs nisang-at og reklamo batok kang Davao del Norte Governor Edwin I. Jubahib atubangan sa Office of the Ombudsman ug Office of the President of the Philippines tungod sa giingong paglapas niini sa mga "specific laws" kun mga piho nga balaod sa alegasyong pagpanguna sa rally nga nagsuporta sa Davao Light and Power Company (DLPC), usa ka private for profit nga electric distribution company nga mopuli sa Northern Davao Electric Cooperative (Nordeco), nga adunay prangkisa nga mag-operate sa Davao de Oro ug sa pipila ka lungsod ug siyudad sa Davao del Norte.
Subay sa natigayong press conference niadtong Mayo 22, 2023 sa Miko’s Brew sa Tagum City, ang mga nagreklamo nagsaysay sa sunod-sunod nga "house hopping" nga gipasiugdahan sa mga tawo nga giingong nakig-uban ni Gobernador Jubahib, nga nagdani kanila sa pag-atras sa reklamo batok sa gobernador.
Gipasabot sa Capecs pinaagi sa ilang press release kung unsa ang anaa sa Republic Act No. 3019.
"Republic Act No. 3019 otherwise known as the Anti – Graft and Corrupt Practices Act prohibits among others the public officials to give any private party any unwanted benefits in the discharge of his official administrative functions. On the other hand, Republic Act No. 10121 or known as the Philippine Disaster Risk Reduction Management Act of 2010 mandates the public officials to reserve the government issued vehicles ready for the disaster risk reduction and management," saysay sa press release sa Capecs.
Luyo sa hitabo, Mayo 1 ning tuiga, adlaw sa mga Mamumuo nag-rally ang mga miyembro–konsumidor–tag-iya (member–consumer–owners) sa Nordeco ug sa Capecs diin gipaagi sa usa ka walk and street dancing nga gibida sa pipila ka indibidwal nga naka suot og gown ug uban pang costume.
Nanawagan ang maong electric cooperative nga i-respeto ang desisyon ni Pangulong Ferdinand "Bongbong" Marcos Jr. nga ipabilin ang prangkisa sa Nordeco Inc. sa pipila ka lungsod sa probinsiya sa Davao del Norte ug sa Davao de Oro.
Sa miaging tuig, gi-veto ni Pangulong Marcos Jr. ang Republic Act 10554, diin sa usa ka giduso nga balaudnon migula alang sa pagpalapad sa prangkisa sa Davao Light sa Davao del Norte ug Davao de Oro hulip sa kasamtangang ga-suplay og elektrisidad nga Nordeco.
Ang CAPECs wala maghatag og dugang detalye sa reklamo samtang ang kaso nagpadayon sa Office of the Ombudsman ug sa Office of the President.
Kagahapon, Biyernes, Mayo 26, 2023, mipagula og pamahayag si Gob. Jubahib labot sa kaso nga gipasaka ngadto kaniya sa Capecs nga nagkondena sa mga termino nga giingong walay basehanan ug walay basehanan nga kaso nga gipasaka ngadto kaniya sa Capecs.
"I condemn in the strongest terms the unfounded and baseless case filed by Capecs against me, which clearly reeks of political harassment and persecution. This desperate attempt to silence my voice and undermine the will of the people of Davao del Norte is a blatant disregard for justice and an insult to the principles of democracy," sa opisyal nga pamahayag ni Gob. Jubahib.
Nagpaklaro sab ang gobernador nga, "Let me be clear: this case is nothing more than a politically motivated attack on my integrity and an attempt to divert attention from the real issue at hand—the urgent need for a new power provider that can deliver on the promises of affordable, reliable, and sustainable electricity for our province. CAPECs and its cohorts are shamelessly attempting to drown out the voice of the people, denying them their fundamental right to choose their future".
Gipasalig sab sa gobernador ngadto sa mga taga Davao del Norte nga dili siya mapugngan niining walay sukaranan nga mga pasangil. Mobarog ang gobernador nga lig-on sa iyang dili matarog nga dedikasyon sa kaayohan, nga dili mabalda sa malisyusong mga pagsulay niadtong nagtinguha sa pagdaot sa pag-uswag.